ممكن مساعدة

ام نينا :

تفاصيل المشروع فضلاً ،، مع دراسة الجدوى

تفاصيل المشروع فضلاً ،، مع دراسة الجدوى

فاتن ام فايز :

السلام عليكم و رحمة اللة و بركاتة شكرا اختى فى الله ام نينا لردك علية ودى بعض تفاصيل عن المشروع منقولة من احدى المنتديات وهى ...يعني ايه عيش الغراب؟وايه سبب تسميته بالاسم ده؟ هو فطر، وعادة ما يوضع في مملكة منفصلة عن النبات والحيوان، فهو لا يحتوي على الكلوروفيل الذي يستخدمه النبات في طعامه من خلال عملية التمثيل الغذائي، ولكنه يعتبر من المترممات التي تعيش على تحلل الكائنات الميتة. قيمته الغذائيه يحتوي على جميع الأملاح المعدنية والبوتاسيوم والفوسفور والماغنسيوم والحديد بالإضافة إلى بعض الفيتامينات المهمة والأحماض، مثل الفوليك، كما أن نسبة البروتين به نحو 3,5% وهو طازج وترتفع النسبة إلى 35% للجاف ويتميز بخلوه من الكوليسترول، كما أثبتت أبحاث علمية حديثة أنه مضاد للسرطان. واتسمي بعيش الغراب لان عند اكتمال النمو بيبقي شكله ابيض زي رغيف العيش والطيور كانت بتاكله خصوصا الغربان...وجت من هتا التسميه انواعه:عيش الغراب العادي أو البوتون، عيش الغراب الشيتاكي أو الصيني، عيش الغراب المحاري، فطر البادي البري، النيبيولاريس، فطر العسل، هريسيوم إيريناسيوس، تريكولوما ما تسوتاكيقلنسوة الموت عيش الغراب الأحمق، عيش الغراب الخجول، عيش الغراب الذبابي طبعا فيه من الانواع دي انواع سامه....طيب انا هزرع ايه فدول؟بص يا سيدي...الاجواء العربيه عموما بينجح فيها المحاري وده زراعته سهله ومش مكلفه والاجاريكس وده بيحتاج للامكانيات ماديه شويه طيب احنا كده اتعرفنا علي عيش الغراب نخش فالجد..ازاي هنزرعه؟ زي ما قلتلك فوق ان ده فطر مش نبات فظروف الزراعه هتختلف شويه عن اي زراعه سمعت عنها اي زراعه اركانها الاساسيه البذره..التربه..الماء..الشمس والهواء *البذره:قلنا ده فطر طب هنجبله بذره منين؟..بيتباع الفطر ده مترمم علي الذرة العويجه (وسيط يتغذي عليه عشان ميموتش)طب بيتباع فين؟ اصبر هقولك فالاخر لما اجي اظبطلك دراسه جدوي *التربه:مبتبقاش طين..لكن بتبقي قش ارز او تبن قمح.. او اي مخلف نباتي.المهم يكون فيه ماده السليلوز لان هي دي اللي بيتغذي الفطر عليها الماء/الشمس/الهواء: موجودين فالطبيعه طيب انا نزلت اشتريت تقاوي وجبت قش ارز عاوز ازرع بقا بص فيه طرق للزراعه.. طريقه زراعه عيش الغراب من نوع الاويستر /المحاري/البلوروتس/الصيني في اكياس..ودي احسن الطرق هتجيب القش بتاعك وتنقعه فالماء من3-24ساعه...ولو اتزنقت فالوقت ممكن متنقعش بعدين تصفيه من الماء(هتلاقي الماء لونه احمر وزي الزفت متقلقش) وتحطله ماء جديد نظيف وتبدا تغليه(طبعا هتكون حاطه فحاجه مناسبه زي برميل حديد) اول ما الميه تبدا تغلي تحسب ساعتين وتطفي عليه ملحوظه:لو هتغلي فبرميل تخلي بالك اول ما تلاقي بخار خفيييييييييف بدا يطلع تعرف ان الماء بيغلي لانك مش هتشوف فقاقيع الغليان الهدف من حته الغلي دي انك بتعمل تعقيم جزئي وقتل البكتريا والجراثيم اه..لازم طبعا القش يكون نظيف من الملوثات خصوصا روث الحيوانات و زرق الطيور لانهم ببقي فيهم بكتريا مبتموتش بالغليان طيب انا غليت ورفعت القش من عالنار اعمل ايه؟ تسيبه يبرد خالص(هيبرد بسرعه فدقايق)ويصفي نسبه من المياه ويستحسن انك تعصر القش بايدك عشان ينزل الميه الزياده انت كده جهزت التربه اللي هيعيش عليها الفطر..الخطوه الجايه بقي الزراعه في اكياس:تكون اكياس زي بتاعه الزباله..مش مهم اللون ابيض او اسود..تبدا بانك تحط طبقه قش في قاع الكيس وتكون بسمك10سم مثلا وتحط فوقها طبقه تقاوي وبعدها طبقه قش ارفع من اللي فوقها7سم مثلا وتحط التقاوي فوقها..وتنهي بالطبقه الثالثه وتكون ارفع واحده5سم مثلا وتحط طبقه التقاوي وبعدها تقفل الكيس وتخرج الهواء الي بيبقي جوا الكيس(محدش يتغابي ويقف فوق الكيس ويكبسه)لا تخلي الكيس ملامس للقش من الاجناب ومن فوق ومن تحت..وتقفل الكيس..وتيجي من القاع وتخرمه(بابرة تريكو مثلا) خصوصا من الاجناب ليه؟عشان تتطلع الميه الزياده ..وتحطه فمكان مظلم رطب لمده 15-20يوم في اسطوانات نفس الفكره..بس لازم تحرك الاسطوانه وتهزها كويس عشان ميبقاش فيه فجوات فيها وبعد ما تزرعها تغلفها بكيس بلاستك وتحطها فمكان مظلم رطب لمده15-20يوم الشبك:نفس الكلام تزرعه وتغلفه بكيس وتحطه فمكان مظلم رطب لمده15-20يوم انت كده زرعت وعملت اللي عليك تستني ال20يوم دول بعدها تفتح عالكيس وتشيله من عالقش خالص لو انت مشيت زي ما قلتلك:هتلاقي الزراعه نجحت باذن الله. وهتعرف من انك هتلاقي نموات بيضاء علي القش...هتكون مغطياه طبعا لو انت بقي نسيت حاجه من اللي قلتهم دول:هتفتح الكيس تلاقي ريحه قبر فوشك طيب الحمد لله الزراعه نجحت..اعمل ايه بقي؟ تبدا ترش ميه بمعدل مرتين فاليوم.. ترش ببخاخه او ببقك كانك بتكوي هدوم(محدش يستعبط ويجبلي خرطوم ويرش)المهم الميه تلامس النموات البيضاء فكل مكان المهم متبالغش فالرش..عشان ميحصلش عفن وامراض بعد كده تحاول ترفع رطوبه المكان..بانك تعلق قطع اسفنج مبلل بالماء...او تحط جرادل واوعيه مملؤه بالمياه تستمر فالرش لمده 15يوم كمان..بعد ال15يوم هيبدا ظهور النموات الثمريه(شكلها بيبقي عامل زي راس الدبوس)تكمل رش لغايه ماتكبر وتديك الثمره القطف: سيادتك بتقطف اول ما تلاحظ ان حواف الثمره بدات تذبل بتيجي من تحت قبعه الثمره ب2سم وتقطع.. الحفظ:خلي بالك الثمرة90%منها ماء يعني حساسه للحراره وللبخر..احسن طرق الحفظ في اطباق الفوم وتتغلف ببلاستك استرتش وتشيلها فالتلاجه لمده اسبوع(انت المفروض بتقطف وتبيع مباشره عشان متتزنقش( فيه طريقه تانيه...التجفيف..بتقطع الثمار وتسيبها فالشمس لما تنشف..بتقدر تسيبه كده بره التلاجه لمده سنه..عيب الطريقه دي انك لما بتجفف10كيلو بعد التجفيف بيبقوا1كيلو بس لان المحتوي المائي للثمره بيتبخر(زي ماقلت الثمرة90%منها ميه) التسويق:زي ما اتفقنا انت بتقطف وتبيع فنفس اليوم..منافذ البيع المتاحه ليك هي 1-المطاعم والفنادق هتاخد الكيلو منك ب12جنيه وممكن اكتر انت وشطارتك 2-شركات وسيطه هتاخد الكيلوب7جنيه ويرجعو يوزعوه بمعرفتهم اساسيات للمشروع لازم تكون عارفها: الفطر بيتحمل حراره من-10الي30م عشان كده بيتزرع فالشتاء بس(من اول شهر9لنهايه شهر3) المشروع عشان يشتغل معاك كويس لازم تبتدي كبير علي الاقل بزراعه50كيلو(خمسون كيلو) المكان اللي هتزرع فيه يكون جيد التهويه(فيه شباك مفتوح)بس التهويه بحدود(يعني تسيب الشباك مفتوح6ساعات بس) المكان يكون نظيف ومفيش حشرات او فئران ولو وجوده اتصرف معاها(قزازه بيروسول-سلك شبك عالشبابيك-شويه سم) الفطر بيحتاج 4ساعات اضاءه صناعيه يستحسن لو كانت لمبه نيون..بس الكلام ده فمرحله رش الميه بس كيلو التقاوي بيديك 4-6كيلو ثمار دراسه الجدوىاولا منافذ بيع التقاوي:في مصر تقدر تجيبها من مركز البحوث الزراعيه بالدقي..او من الشركات الوسيطه(اللي انت ممكن تبيعلها الانتاج بعد كده) بكام الكيلو؟ لو من مركز البحوث ب8جنيه لو من شركه وسيطه انت وشطارتك ممكن توصل معاهم ل6جنيه طيب ممكن تبتدي براس مال450جنيه 50كيلو تقاوي*8جنيه=400جنيه اكياس+انبوبه بوتجاز+برميل=25جنيه(ممكن اقل كمان) اطباق فوم وبلاستك استرتش لزوم التغليف=25 التكلفه الكليه450جنيه العائد:لو اهتميت بالمشروع كويس كل كيلو تقاوي هيديك6كيلو ثمار يبقي 50*6=300كيلو ثمار ولو قلنا هتبيعهم باقل سعر لشركه وسيطه يبقي300*7=2100جنيه الربح=2100-450=1650جنيه لو بعت لفندق بقي يبقي 300*12=3600جنيه الربح=3600-450=3150جنيه المشروع بياخد حوالي شهرين ونص وميكلفش مجهود غير بسيط هذة المعلومات من موقع اخر وهى أصبح إنتاج عيش الغراب (Mushroom المشروم) من المشروعات الصغيرة الأكثر ربحية والأقل تكلفة في العالم العربي، خاصة أنه يناسب ذوي المدخرات الصغيرة، كما يمكن تنفيذه في إحدى الحجرات بالمنزل. وقد تزايد الطلب على منتج المشروم في أسواق الدول العربية بعد أن أطلق عليه البعض مصطلح "لحم الفقراء"؛ نظرا لانخفاض أسعاره واحتوائه على نفس المكونات البروتينية للحوم. ويمكن تحويل المشروم لغذاء شعبي في المنطقة العربية بمزيد من التوعية بمميزاته العديدة وفوائده الغذائية المتنوعة، بما يؤمن لمنتجيه سوقا كبيرة، فما هو عيش الغراب وتاريخه؟ وكيف يتم إنتاجه وزراعته؟ والجدوى الاقتصادية له كمشروع يمكن أن يقبل عليه الشباب من ذوي المدخرات البسيطة، وماذا عن الناجحين والفاشلين في هذا المشروع؟. السطور القادمة تقدم معلومات أولية حول هذا المشروع ومن يريد استكمالا واستيضاحا لأي معلومة يمكنه التواصل معنا عبر هذا البريدxxxxxxxx أولا- ما هو عيش الغراب؟ ثانيا- مستلزمات وشروط الزراعة ثالثا- طرق إنتاج المشروم رابعا- حفظ وتعبئة المنتجات خامسا- طريقة التسويق سادسا- تجارب ناجحة وفاشلة أولا - ما هو عيش الغراب؟ ثمرة المشروم هو فطر، وعادة ما يوضع في مملكة منفصلة عن النبات والحيوان، فهو لا يحتوي على الكلوروفيل الذي يستخدمه النبات في طعامه من خلال عملية التمثيل الغذائي، ولكنه يعتبر من المترممات التي تعيش على تحلل الكائنات الميتة. ويتكون عيش الغراب من جسم يسمى بـالميسيليوم، وتحتوي ثمرته على بذور تسمى حويصلات، كما أن جسمه يخزن المواد والمركبات الغذائية لإنتاج ثمرة عش الغراب حينما تكون الظروف مناسبة. كما أنه يتنفس كالإنسان ولكنه بلا رئتين.. فهو يقوم بعملية تبادل الغازات مع الهواء الخارجي.. وهو يغرق كما يغرق الإنسان إذا غطس تحت الماء، حيث لا يستطيع استبدال الأكسجين وتنمو البكتيريا اللاهوائية، وهو كغالبية الكائنات الحية، ينمو في بيئة دافئة.. فالماء القليل أو الرطوبة العالية قد يتسببان في قتله. وحول قيمته الغذائية يقول الدكتور رضا سكر الخبير بمركز تكنولوجيا الغذاء المصري: إن قيمة المشروم الغذائية عديدة ومتنوعة، ويكفي أنه يحتوي على الأحماض الأمينية الأساسية التي يحتاجها جسم الإنسان وهي موجودة بشكل طبيعي بجانب الفيتامينات B,C,d. وقد كان يصنف المشروم من الأطعمة الفاخرة، لكن نتيجة لارتفاع أسعار اللحوم بدأ يندرج ضمن وجبات الطبقات الفقيرة وكضيف دائم وبديل للبروتين الحيواني المفقود، كما يحتوي على جميع الأملاح المعدنية والبوتاسيوم والفوسفور والماغنسيوم والحديد بالإضافة إلى بعض الفيتامينات المهمة والأحماض، مثل الفوليك، كما أن نسبة البروتين به نحو 3,5% وهو طازج وترتفع النسبة إلى 35% للجاف ويتميز بخلوه من الكوليسترول، كما أثبتت أبحاث علمية حديثة أنه مضاد للسرطان. ويضم المشروم آلاف الأنواع منها عشرات الأنواع السامة ومئات مستخدمة كغذاء راقٍ للإنسان، ومن أهم أنواعه المستخدمة كغذاء منها عيش الغراب العادي أو البوتون، عيش الغراب الشيتاكي أو الصيني، عيش الغراب المحاري، فطر البادي البري، النيبيولاريس، فطر العسل، هريسيوم إيريناسيوس، تريكولوما ما تسوتاكي. أما أشهر الأنواع السامة فتقدر بالعشرات، ولا توجد طريقة نظرية لمعرفة السام من غير السام إلا بالتحليل الكيميائي، والاعتماد على الشكل فقط غير كافٍ لمعرفته، وتوجد هذه الأنواع تحت عائلة، ومنها قلنسوة الموت عيش الغراب الأحمق، عيش الغراب الخجول، عيش الغراب الذبابي. (لمزيد من التفاصيل حول هذه الأنواع والقيمة الغذائية: انظر: عيش الغراب السام... رياضة قومية!، وكذلك: عيش الغراب.. سلاح سري للاغتيالات ثانيا- مستلزمات وشروط الزراعة: لا بد من توفر مستلزمات أساسية حتى تبدأ مشروع المشروم وأبرزها: 1- تجهيز البيئة: وهي التربة الأساسية التي يزرع فيها المشروم، ويتم تجهيز البيئة من تبن القمح الخشن، أو قش الأرز، أو حطب القطن أو مخلف نباتي أو حقلي آخر. ثم يضاف 5% ردة +5% جبس زراعي، تعبأ بعد ذلك في أكياس من البلاستك المجدول، ثم توضع في براميل ماء للنقع لمدة 3 ساعات، ثم تسخن البراميل حتى 2 ساعة غليان. بعد ذلك ترفع العبوات وتترك حتى تبرد درجة حرارتها، وتصفى نسبة كبيرة من الماء الزائد ويمكن تركها حوالي 6 ساعات قبل الزراعة وحتى 48 ساعة. (وهذه البيئة أو تربة المشروم قد يمكنك شرائها جاهزة من الهيئات الزراعية في الدول العربية أو الشركات التي تعمل في المشروم وهي كثيرة في المنطقة العربية..). 2- التقاوي، لا بد من شراء البذور من أماكن معتمدة (وزارات الزراعة غالبا أو شركات ذات ثقة) حتى تكون صالحة للزراعة. 3- توفير المكان المناسب فإما حجرة أو بدروم مبني، صوبة... وكذلك ترمومتر لقياس درجة الحرارة. ويتميز المشروم عن غيره من المشروعات بسهولة زراعته بحيث يمكن لأي شخص تنفيذها بنجاح إذا التزم بعدد من الخطوات الأساسية يذكرها لنا المهندس حسام إبراهيم من مركز البحوث التابع لوزارة الزراعة المصرية وأهمها 1- يجب مراعاة النظافة التامة لموقع الإنتاج، سواء كان ذلك حجرة أو جراجا أو مخزنا أو صوبة أو بدروما، كما يجب أن تكون النوافذ عليها سلك ضيق لعدم دخول الحشرات، وأن تكون الحوائط خالية من الشقوق والفتحات التي قد تحتوي على الحشرات والجراثيم، ويجب أيضا تطهير الموقع قبل الزراعة باستخدام المطهرات، مثل الفنيك أو السافلون. 2- درجة الحرارة، تختلف باختلاف نوع عيش الغراب المستخدم فمثلا في نوع الأجاريكس يجب أن تتراوح ما بين 18-22، وألا تزيد عن 25، أما نوع عيش الغراب البلورتس فتتراوح ما بين 18-28، وهناك النوع الصيني الذي يحتاج إلى درجات حرارة من 30 إلى 34. 3- لا تزيد نسبة الرطوبة فيه على 85 % لجميع أنواع عيش الغراب، ولا يتعرض لأشعة الشمس المباشرة حتى لا تضعف الثمار. وعند الزراعة في صوب بلاستيك معرضة للشمس، فيجب تغطيتها بشبك تظليل. ثالثا- طرق إنتاج المشروم هناك طرق عديدة لزراعة المشروم منها: طريقة الزراعة داخل إسطونة بلاستيك النوع (المحاري 1- طريقة الأكياس البلاستيك، وهي أسهل وأرخص الطرق، وفيها يتم وضع الأكياس على أرضية خشبية (رفوف، مقاعد...) يفتح الكيس ويوضع فيه طبقة من البيئة الجاهزة، ويتم رص فوقها التقاوي

السلام عليكم و رحمة اللة و بركاتة شكرا اختى فى الله ام نينا لردك علية ودى بعض تفاصيل عن المشروع...