ممكن مساعده

اول شي ابدي بالمطبخ
اولا امسحي كل الطاولات وكل ماتبدين بطاوله غسلي اي ماعون عليها لو ملعقه لاتراكمينها
وهكذا الين تخلصين الطاولات بمواعينها لو عليها مواعين وسخه

بعده غسلي الفرن ونظفيه و غسلي الثلاجه و المغسله ثم اشطفي الارضيه واستمتعي بالنظافه و افتحي الدرايش وخليه يتهوى وشغلي مرووحه دايم بالمطبخ
وحاولي تتخلصين من الحشرات بمنتج يناسبها

وبعدين مسحي الاسياب السراميك و غرفه المعيشه الي تجلسون فيها
وغرفه النوم

وبكره كملي بقيه البيت
واهم شي العمل اليومي الحمامات نظيفه المطبخ نظيف و مجلسكم نظيف
لا تخلين بيت بدون ريحه ان مابخرتي او عطرتي افتحي الدرايش وخلي البيت يتنفس

والله يعيينا ويعينك

على ذكره

الله يجزاك خير بس قصدي دولايب الداخليه يبي لها تقشيع وتنظيف

طلعي كل الاغراض الي في الدواليب ومسحي الدواليب بالمنظف الي تحبين ونظفي الاغراض بعد الي طلعتيها وبعد ماتنشف رجعيها والافضل تشطفينها بمويا ساااخنه وحتی تحت الدواليب اذا في مسافه مو مسكر كبي ماء ساخن

شوفي انتي جيبي اول شي فليت ورشي كل المطبخ وخلي بيبان المطبخ مفتوحه والمواعين طلعيها في الشمس وخليها يوم كامل الأساس ها لحشرات جايه من تحت التحفه يمكن كان فيه رز ولا اكل ومع الوقت والرطوبة طلع دود الي قبلك مو نظيفين بعدين مسحي المطبخ كله باكلوكس ومطهر ومويه وعقميه زين وجيبي كلوركس وصابون وغسلي كل مو أعينك زين افركيها بالليفه وبعدين مسحيها ودخليها الدواليب التحفه اغسليهم وعقميها بعدين حطيها في كيس واربطيه وحطيها في مكان بعيد عن المطبخ حتى تحت المجلى والأرضية اغسليها والدواليب من برا لو رجعت الحشرات مالك الا شركه نجي للبيت شوفي يوم جيت الشقه الي ساكنه فيها الحين سويت لنفسي جدول كل يوم أمسك شي عميق مثلا عيون الغاز طلعتها وغسلتها ومسحت الفرن من جوا وبرا مع الهوايه حقتها والقزازه حقت الفرن ومسحت الشباك ويوم من جوات الدواليب ورتبتها يوم نظمت المخزن يوم قلبت الصاله وكنستها ومسحت الي تحت الكنبات ومسحت شباك البلكونه ومسحت البلكونه بلاطه من برا يوم الغرفه الي ما نستخدمها غرفة الأطفال كنستها ومساحتها ورتبتها ومسحت شباكها وسكرتها يوم غرفتي والاسياب مااضغط على نفسي في التنظيف العميق اهم شي التنظيف اليومي والباقي براحه وعلى مهلي وبكذا أكون رتبت لي جدول

ويوم بعد لثلاجه اهم شي لاتخلين شي بس أبدي بالمطبخ مهم مره وحاولي ترتبين اي حوسه حواليك وترجعين ترتيب المكان من اول وجديد بالي ترتاحين له