ممكن مساعده بغرزه هذا الفستان

عاشقة التريكو :

الفستان روعة وروعته فى بساطته اختيارموفق ياشهودى بالنسبة للغرزة هى فى الاساس غرزة المروحة (عمودين -سلسلتين -عمودين ) ولكن مع التزويد البداية كالاتى عندنا 7مراوح لكل من الامام والخلف يعنى 14 مروحة و5 مراوح للاكمام (3مراوح نزود فيهم والمروحتين اللى على جانبى الاكمام من جهة الامام والخلف نشتغلهم عادى بدون اى زيادة على طول الصدر حتى يعطينا اكتاف واكمام على نزول (وحيصيروا مثل الفواصل بين الاكمام والامام والخلف ) والشغل كله فى منتصف المراوح بالنسبة للصدر يعنى المروحة فى وسط المروحة من السطر السابق اما فى التنورة فالشغل على العواميد على كل عمود عمود والزيادة فقط فى وسط المراوح والشغل سيكون كالاتى ********** مراوح الامام والخلف وال3مراوح وسط الكمين حتبدايهم على (3اعمدة -2سلسلة -3اعمدة )اما فواصل الاكمام مروحة عادية (عمودين -2سلسلة -عمودين )على طول الصدر فى السطر الثانى بتكررى نفس السطر الاول للمراوح بدون اى زيادة السطر الثالث بتزودى عمودين بوسط المروحة وتصير (4عواميد -2س-4عواميد )وتكررى السطر مرتين كدة حنكون اشتغلنا 5اسطر فى السطر السادس تزودى فى المراوح وتصير المروحة (5عواميد -2س-5عواميد )وتكرريهم مرتين حنكون اشتغلنا 8اسطر للصدر فصل الاكمام ****** فى السطر التاسع حنزود عمودين فى وسط المروحة ولما نوصل لل5مراوح للكم الايمن نتركهم بدون شغل وندمج الشغل مع الامام ولما نوصل لل5مراوح للكم الايسر ايضا تركهم بدون شغل ونكمل شغل الخلف سواء كان الخلف مفتوح او لا ونغلق بمنزلقة مع الخلف وكدة فصلنا الاكمام الحين الشغل على تنورة الفستان السطر التالى نشتغل بدون اى زيادة فى السطر اللى بعده الشغل حيكون عمود على العمود ولما نوصل لوسط المروحة نعمل (عمود -2س-عمود)يعنى تزويد بوسط المروحة والغرزة حتصير عندنا شبه غرزة الزقزاق التزويد حيكون عندنا كل 3اسطر -4اسطر -5اسطر وهكذا حتى توصلى للطول المناسب اتمنى يكون شرحى واضح واى سؤال انا حاضرة ان شاء الله وموفقة فى شغله يارب

الفستان روعة وروعته فى بساطته اختيارموفق ياشهودى بالنسبة للغرزة هى فى الاساس غرزة المروحة...