ممكن مساعده تعبت والله .... (( معاهد الكمبيوتر بالرياض))؟؟؟؟

خذي برمجه مرغوبه

معهد نيو هرايزن مرره حلووو وكمان اكاديميه الفيصل بس 30 الف كثير مره !!

ايش رايك تدخلين الدورات الي مدتها 6 شهور احسن سعرها حلو تقريبا 4 الاف ب نيو هرايزن

مدري شوفي انتي وش تبيين واستخيرري وربي يوفقك

وبالنسبه لقعده البيت انا زي حالتك وخلاص طاقه كبدي استغفر الله زهق وقرف

أموله شاكره ردك السريع ويارب يرزقنا بوظيفه عن قريب
بالنسبه لنيوهرايزن ليش في دورات 6 شهور ؟؟؟

بليز حد يرد انتظركم

انا دخلت الثقافي للسيدات معتمد وسعر الدبلوم سنه6000وخوذي برمجه هي اللي مطلوبه واي استفسار راسليني على الخاص

بصراحة نيوهورايزن
معترف فيه حتى مرغوب من كافة القطاعات عشان تدريبه راقي جدا
انا متخرجه منه لكن بصراحة مادورت على وظيفة لان ظروفي ماتسمح
اني اتوظف لكن بنت جيرانا كانت تروح معي للمركز وتخصصها شبكات توظفت من اول ماتخرجت على نظام التعاقد في مدرسة ثم توظفت في نفس المركز فرع السويدي والان ماشاء الله تبارك الله توظفت بوظيفة مدرسة في مدرسة جنب بيت اهلها ورسمية بعد
الله يوفقك ويوفقها وبنات المسلمين
عندهم برنامج العضوية لمدة 6 شهور لكن نصيحة لوجه الله لاتاخذينه لانه غالي 3800
ولايستاهل وغير معترف فيه اخذته في عام 2000 والله مااستفدت منه ابد كل مكان اروح اقدم فيه يقولون لازم دبلوم اقل شي و راح تضطرين تاخذين دبلوم
وعندهم نظام التقسيط مقدم 5000 وكل شهر 1000 او تدفعين 3000 وكل شهر 1500
انا من سنة خلصت من عندهم ولا ادري اذا كانو غيروا نظامهم
واحسن شي لك اذا بغيتي تدرسين دبلوم برمجة ولا تاخذين شبكات لان وحدة من المدربات عندهم وهي مهندسة قالت يابنات عندكم في السعودية ماينفع شبكات لان الواحد لو بيجهز مبنى ويبغى يوصل اجهزة حاسب ويسوي نظام شبكي في المبنى او الشركة راح يجيب عمال رجال ومهندسين
ماراح يجيب بنات عشان كذا نصيحة لاتخسرون فلوس على الفاضي فيه دبلوم تقنية البرمجه وتصميم مواقع والحاسب التربوي وتقنية المكاتب لكن اقواها وافضلها تقنية البرمجه
عموما الله يوفقك دنيا واخرة ولا تنسين تستخيرين قبل كل شي الله يوفقك
المعذرة على الاطالة