ممكن مساعده في حل مشاكل جهازي

بدون مقدمات

انا داخله ثم عليكم انكم تساعدوني

جهازي جاب لي الصمرقع طلع الشيب براسي

كله مشاكل في مشاكل

انا ابذكر المشاكل والله يخليكم حاولوا تحلوها لي اكون شاكره لكم

1- لما اجي اغلق الجهاز يعني بعد مااضغط موافق تطلع لي
رساله تقول

تسبب هذا الملف regenv32.exe باغلاق

اذا صادفت مشاكل اخرى حاول اعاده التشغيل

(هذي الرساله بالمختصر واللي قدرت احفظه منها)

ابغى اعرف وش هذا التطبيق وليه تطلع لي هذي الرساله وهل اقدر

احذفه والا لا؟؟؟؟؟

2-تفحص الاقراص مايجي عندي

يعني بالنسبه للقرص F-E-D كلهم يجي تفحص الاقراص

الا القرص C مايجي لما اضغط على تفحص الاقراص للقرص C

يعلق تفحص الاقراص ويعلق الجهاز واضطر بعدها اقفله بالطريقه الغلط

3- كل مافتحت ملف صوتي تطلع لي هذي الرساله

لايمكن لــ WINDOWS قراءه (ملف الصوت المذكور) قد تكون بطاقه الصوت قيد
الاستخدام

مع اني حملت السي دي تبع كرت الصوت واعتقد تحميلي ليه صحيح

لكن كل ماجيت افتح اي ملف صوتي تطلع لي هذي الرساله

ابغى اعرف ايش المشكله وكيف اقدر احلها بحيث اقدر اسمع الملفات الصوتيه

4-
الاتصال حقي كل دقيقتين يقطع معي من نفسه ماادري ايش فيه

ماادري الخلل من جهازي والا من بطاقه الاتصال .. مع ان بطاقه الاتصال من

شركه مميزه (نسما .. الفارس)

حتى لو اعيد الاتصال مره ثانيه يقعد برضوا دقيقه ويقطع واحيانا

ثانيتين ثم يقطع .... والله العظيم شي يقهر ولا مره انبسطت

بجلستي على النت


الله يخليكم ساعدوني لاتتركوني كذا اضيع بالطوشه خاصه المشكله رقم اربعه

هي الاهم مو كل شوي قاطع علي الاتصال من نفسه

شاكره لكل من يساعدني


جوري