ممكن من وقتكم شوي ياأمورات :)

السسسلام عليكم ورحمة الله وبركات


صباحكم وردعسى يومكم كلة خير صلاح يارب
عندي شغلتين الاولى

انا عندي مشكلة اني حيل حسساسة واحط بخاطري بسرعة ومااقدر اواجة حد اذا غلط علي او قالي كلمة غثني فيها وحييييل حيييل انقهر لما حد يقول شي مو فيني مااعرف ارد الرد اللي يسكتهم ومااحب اغلط على حد او اقلل من قيمتة
انسسحب بهدوء ماحب المشاكل وخوافة حييل وانا انسسسانة بحالي يعني ماعندي رفيجات انا خواتي هم رفيجاتي وبطبعي هادية وانطوائية اشوي وكتومة وهالشي موحابتة فيني انا ابي اطلع من هذا كلة ...صارت لي مواقف وايد بنات انا من النوع اللي يحكم على الناس بسسرعة بالطيبةوالاخلاق الحلوة من موقف يعني وحدة شفتها تضحك وتسولف حبوبة وطيبة على طول اقول والله هالانسانة طيبة حيل وحبوبة وقلبها نظيف وبعد فترة اكتشف انها غير كذا والله واجي امدح فيهم عند هلي وبعد فترة ياربي اكتشف قلت الادب والاسلوب الوقح والله مااستاهل هالاسلوب بحسن نية تتعاملين معهم ويردون عليك بااسلوب مزعج والنافق ومادراك ماالنفاق حسبي يالله ونعم الوكيل اكرة شي عندي بالدنياا من كذا ماصارت عندي ثقة بحد واقعد افكر بكل كلمة قالوها لي واكتئيب وهم مافكرو بحد انا ابي اصير مثلهم مايهمني حد ابي اتعلم اني اثق بنفسي ومااقول اسراري لحد لان مافية حد يستاهل تأمنينة اسراارك والله اني ندمانة قد شعر راسي قلت لاسراري لهم بنات انا قاعدة اتكلم عن بنات عمتي ماكانت علاقتي فيهم قوية وماكنت اشوفهم الا بالمناسبات لاكن يوم قربنا من بعض طلعو على حقيقتهم والله حرااام القلوب صارت كذا ابي قلوب نظيفة مدري وش اللي تغير شحلاتنا قبل

لمهم ماابي اطول عليكم انا ابي حل كيف اني اتعامل مع الناس بسطحية ينعي مو على طول اجي واقول لهم اسراري واثق فيهم واحكم عليهم بالطيبة ابي احب نفسي ومااهتم لاحد ابد ومااشيل بخاطري ولا ازعل لان خلص من هاللحظة ابي اتغيير ماحد يستاهل والله ابي اغيير من نفسي عشاني انا مو عشان حد
وعلى فكرة يسموني المعقدة لان فية اشياء هم يسوونها ماتعجبني انا لان نفسي ماترضى اني اسوي مثل اللي هم يسسوونة يعني شغلات مغازل وكذا ولما يشوفوني استغفر وماسكة السبحة بيدي يتمسخرون علي يقولون لي انتي بتدخلين الجنة يستهبلون علي خلوني احس اني معقدة صج الله يهديهم ويصلحهم لنفسهم

الشغلة الثانية :

القران كلة بركة والله يجعلة ربيع قلوبنا يارب وشفيع لنا لا عليناوشفاء من كل داء

بنات ابي تقولون لي شنو السسور اللي تقرونها كل يوم ولقيتو فيها تيسيير لاموركم ورتحتو
يعني مثلا سورة البقرة ويس والواقعة والملك انا طبعا اقراء قران اللي اقدر علية
لاكن عندي مشكلة بسورة اليقرة اقراها لكن مااستمر
ووقت النوم اقراء الملك والواقعة وسورة يس


واسسسسسسسفة طولت عليكم