ممكن نتكلم في موضوع مهم ؟؟ النصب

مرحباا بناتنا الحلوات ...

حبيت اليوم اكتب موضوع من اللي اشوفه .. صح انه مالي مشاركات وايد بس لي فترة

طويلة اتابع المنتدى ومن بعده اشتركت .. و على ايام اول >> مب ايام الغوص هههههه امزح ..

على ايام اول المنتدى كان اروع ما يكون وكل عضوة

تحاتي الثانيه وقلوبهم ع بعض و" ماكان في نصب بالنسبة اللي اشوفه الحين " >> وصلنا للنقطه

المهمه واللي اباكم تناقشونه ونشوف شو الاسباب ..

بقولكم رايي فالبدايه .. ماتلاحظون انه من يوم ما خبوا مشاركات

العضوات زاد النصب شوي حبة :) ؟؟>> بعدين لو الادارة خبت المشاركات

بس مافيه شي يتخبى على ربنا تعالى :) ..

مجرد رايي ويمكن يكون غلط .. بس اللي الاحظه.. انه مادام ماكو مشاركات واضحة للعيان >> احلى

تعبير :) .. كلنا صرنا

متساويين ومحد يدري من العضوة اللي لها باع طويل في المنتدى وسمعه طيبة ومن اللي جاية تنشر

الفتنة و الباقي انتوا ادرى فيه:22: .. صح انه نقدر نسوي بحث ع المشاركات " اظن " .. بس منو

منا يسوي بحث عشان يتاكد من العضوة وماضيها؟ .. نسبة قليله يمكن ..

واللي احب اقوله بعد .. حلووو يوم الواحد يكون له مبدأ في الحياة غير نشر الفتنة و الضرابه

خلونا طبيعين وصفوووا قلوبكم و كل وحده بتحصل رزقها ان شالله بالحلال مووو باللي انشوفه

الحين بالنصب واكل مال الغير لا سمح الله .. ماقصد بهالكلام التاجرات المعروفات بالمنتدى واللي

الله يكثر من امثالهن ان شالله .. بس العضوات الثانيات وكل حد عارف نفسه .. والحمدلله

ماتعرضت لأي شي من قبلهن بس من الي اشوفه حبيت اكتب هالموضوع واشوف رايكم:) ؟

والسموحه على الاطالة ..