مساء الخير عليكم يااحلى بنات
بصراحه مدري احس خاطري بنشافه من كثر ماشفت مدح البنات هنا بالمنتدى لها وراحتها بخصوص عدم الكوي والملابس تكون جاهزه عاللبس
وبما اننا بدخله شتاء وعندي ولد صغير
قررت اني اشتريها
اهلي وزوجي طبعا وقفو في وجهي:angry2::angry2:
واخذوها من مبدأ رفاهيه ودلع:eek:
وانا بصراحه احس اني احتااااااجها مره
وبما ان المبلغ الحمد لله معاي قلت اخذ لي نشافه
ورحت وشفت واحترت بين جينرال الكتريك
وبين كالفينيتور
وكلهم 10 كيلو والفرق ثلاثين ريال تقريبا
مدري تنصحوني اخذها
والا لا:16:
وقيمتها ان ماشريت نشافه فيها بتطير على السوق والمطاعم زي كل مره:angry2:
-أنامل ناعمه- @anaml_naaamh_2
عضوة مميزة
يلزم عليك تسجيل الدخول أولًا لكتابة تعليق.
شجره الدر
الله يجزاك الف خير يالغاليه
ياجعل يدينك ماتطب النار ياقلبي انا
انا من جد فكرت لو بخلي الفلوس من دون شي مهم بتروح بالاسواق والمطاعم وخاصه ان انا مو محتاجه شي ابد من السوق فبتروح الفلوس عالفاضي
بس الجهاز بينفعني ويريحني خاصه ان ماعندي شغاله
الله يجزاك الف خير يالغاليه
ياجعل يدينك ماتطب النار ياقلبي انا
انا من جد فكرت لو بخلي الفلوس من دون شي مهم بتروح بالاسواق والمطاعم وخاصه ان انا مو محتاجه شي ابد من السوق فبتروح الفلوس عالفاضي
بس الجهاز بينفعني ويريحني خاصه ان ماعندي شغاله
ام عمرـ
•
ممكن صورتها .. مافهمت هي نشافه لحالها وا كيف ..ممكن صورتها .. مافهمت هي نشافه لحالها وا كيف ..
انا عندي ادميرال والله لها تسع سنوات عندي جدامريحتني
الصفحة الأخيرة
والله جلست سنوات مفكرة فيها لين وكل شهر نجي نشتريها على قولك فلوسها تروح على شغلات ثانية لين مر شهر وراء شهر وسنة وراء سنة وشريناها والحمد لله قبل أربع سنوات تقريبا أو أكثر..بصراحة ندمت على كل لحظة كنت أغسل فيها بدون وجود هذه النشافة:
أولا.. تريحك من النشر ووين تحطين المنشر.لأنك على طول تطلعين الملابس من مجفف الغسالة وعليها وهي ما شاء الله تقوم بالواجب.
ثانيا.. فرق بين ملمس الملابس بعد المنشر وملمسها بعد المجفف الكهربائي. تعد المجفف تجيك طرية وناعمة وطايحة ما شاء الله أما بعد المنشر تجيك يابسة كنها عظم أنا كنت أرفض أحط الملابس الداخلية بدون كوي أيام النشر الحين ما شاء الله طبقي وعلى الدولاب.
ثالثا.. أشياء كثيرة تطلع ما تحتاج كوي وأذكر لك منها: الجنزات بأنواعها، التي شيرتات، الملابس القطنية من بجايم وغيره، قمصان النوم اللي خامتها ستان والله تطلع مفرودة وتلمع ومافي أحلى منها بس علقي وعلى الدولاب ...بعض أنواع القمصان والبلايز سواء ولادي أو نسائي طبعا حسب خامتها.. يعني يطيح عنك ثلاث أرباع الغسيل تقريبا وش يبقى الثياب والأشمغة والبنطلونات اللي تكون خامتها خفيفة مرة (تجي مثل الورق) هذه أنا عن نفسي علشان ما عندي شغالة أرسلها للمغسلة تنكوي.
رابعا...تريحك في شراشف السرير والمفارش الخفيفة والعبايات والمناشف تطلع مكوية ما شاء الله..أنا كنت حتى الشراشف أوديها المغسلة لأني لو غسلتها بالبيت وين أنشرها ؟ ومن جاتني النشافة ما شاء الله ولا شرشف يروح المغسلة وحتى اللحف الخفيفة صرت أغسلها في البيت لأني ما صرت أشيل هم النشر.
وهذا ما عندي وإذا احتجت أي سؤال أو استفسار أنا حاضرة وبالخدمة وما عليك من اللي يقولون تصرفين فلوس على الفاضي أحط الفلوس بجهاز يخدمني ويخفف عني سنوات ويرتب وضعي ووضع بيتي أحسن ما تتبعثر في أشياء مالها لازمة .
وأنا ناوية بإذن الله هذا الشهر أبغى أشتري فريزر واقف لأن عندي أرضي ماخذ مساحة وش كبرها ومكركب آخر كركبة أحسه قمة الفوضى علشان كذا معزمة على الواقف بإذن الله يوسع لي شوي وأقدر أرتبه مضبوط.
الله ييسر لي ولك الشراة الزينة .