ممكن ورشة او شرح مفصل للبلوزه الصيفي دي بليز

ام محمد حازم :

بصى يا اختى انا هقولك اللى فهمته من الصورة اصلها صغيرة شويه انت بتبداء البلوزة من تحت تعملى سلسله بالوسع المطلوب اول سطر تشتغلى عواميد عادية تانى سطر تشتغلى 3 س وتسيبى 3 ع وتعملى غرزة حشو فوق العمود الرابع وبعدين 3 س وتسيبى 3ع وتعملى غرزة حشو فى العمود الرابع وهكذا لاخر السطر بمعنى انك بتعملى فراغ مكون من 3س فوق 3ع السطر الثالث فوق الثلاث سلاسل بتعملى ثلاث عواميد وهكذا لاخر السطر بعدين تكررى السطر التانى والتالت لاخر البلوزة يعنى سطر سلاسل وسطر عواميد وانتى بتشتغلى البلوزة تحفظى على الحردات بتعتك حردة الابط وحردة الرقبة ونوع الحردة انتى بتختاريه على رحتك يعنى مثلا انتى عاوزة حردة الرقبة تكون 7 تعملى الاتى حردة الرقبة ال7 اولا للظهر نشتغل حتى الاكتاف ثم نقسم عدد الغرز الباقية بعد حردة الابط على 3 ثم نقفل الثلث الاول على 5 مرات ثم نترك الثلث الثانى على دبوس اذا كان الشغل تريكو اما لو كروشية يبقى اتقفلوا لوحدهم ثم نقفل الثلث الاخير مثل الثلث الاول ثانيا للامام وهنا تبدا حردة الرقبة بعد ان نقفل ال5 غرز او العواميد الاولى من حردة الابط وننقص الغرزة او عمودفى اول واخر الثلاث سطور ثم نبدا الحردة مع تنقيص السطر الرابع وهنا يحصل الاتى نقسم عدد الغرز على 2 ثم نشتغل هكذا ننقص غرزة اوعمودفى اول السطر ثم غرزة فى منتصف السطر ثم غرزة فى اخر السطر كدة اصبح الشغل مقسم لقسمين نشتغل كل قسم لوحدة وننقص الابط حسب ترتيبة وننقص غرزة اوعمودلحردة ال7 فى سطرونترك سطر دون تنقيص ونشتغل هكذا حتى نصل الى طولى حردة الرقبة واللابط المطلوبين ثم نقفل الاكتاف على اربع او خمس مرات واسفة لو قصرت او ما اعطيتك اللى يفيدك وان شاء الله تلاقى الاصلح لدى احدى العزيزات بالمنتدى

بصى يا اختى انا هقولك اللى فهمته من الصورة اصلها صغيرة شويه انت بتبداء البلوزة من تحت تعملى...