تسلمون حبيباتي.
بس يا ليت الوصفات من غير الخضرة و السلطة.
لأني ما احبهم ابدا
و قلت لكم يعني الخضروات ممكن آكلها إذا مب واضحة
مثل ما هو في ورق العنب وصلصة الطماط
و ما أحب المعكرونة و اللزانيا و عائلتهم المصونة
و لا الجريش و الهريس و الاشياء الشعبية
و بنات شو الرجله الي قالت عنهم الاخت zadzad تدرون اختلاف اللهجات شوي
لأن اكيد في الامارات نسويه بس بمسمى ثاني
المشكلة الي عندي بسبب سفري المطول و قلة الخيارات عندي سببت لي قلة الشهية
و مشاكل صحية وكل ما جيت بغير طبعي ما أقدر لأن النفس عايفه
مقدرة مساعدتكم و عارفة المشكلة فيي بس كنت ابغي وصفات اكثر مثل بعض الوصفات الي طرحتوها كانت مناسبة مع عادتي الغذائية
فياليت تزيدوني بمقترحاتكم
و ربي يرزقكم الجنة ان شاء الله و كل ما تتمنون يا رب

صراحه الله يعينك بس الغي كلمة ماحبه ماطيقه واقنعي نفسك انك تحبين كل شي وراح تحبينه
يعني قومي صلحي الطبخه الي ماتبينها واقنعي نفسك انك مشتهيتها اول مره تبين تتعبين مره بعد مره تتخلين عن عاداتك في الاكل\
انا شفت ناس كانو ياكلون كل شي بس يجيهم حالات يبون يلفتون النظر انا هذا ماحبه وهذا ماشتهييه وفعلا تعودت واقتعت بذا الشي انها ماتحبه وهي كانت تاكله

بالتوفيق

يا ليت كنت آكلها من قبل
ما كنت وصلت لهذا الحال
بس هذي عادتي من الصغر وعيت و انا ما احب هذا و ذك و كانت امي الله يحفظها تسوي لي أكلي الخاص و لين كبرت و تزوجت و ما تغيرت و لا تغير في أكلي شي
لكن ظروف الغربة الطويلة و الي امي في نفس الوقت بعيده عني هي اللي حسستني كيف اني صعب اللاقي اكلي في اي مكان

بالعكس الخضار جدا جميله خاصة الجزر والبازيلا معاها تسوي لها منظر حتى جسمك محتاج فيتامينات الخضار أهم من اللحوم للجسم عودي نفسك تأكليها