كلامك حلو الله يعطيك العافيه

انا حاولت استغني عنها ماقدرت

لان وجودهم شر لابد منه

اختي موضوع رائع ولكن للاسف المفاهيم تبدلت اعطيك مثالين
انا مثلا اضطررت للخادمه نتيجة تنقلي مع زوجي وبعدي عن الاهل ووجود ظروف صحيه تظطرني لوجود من يعين بعد الله ولكن سابقا كنت اقوم بمنزلي لوحدي وموظفه في الصباح اخرج واضع ابنائي في حضانه تابعه لمدرسه بشكل نظامي والله اني استودعهم الله واذهب لعملي بكل اطمئنان فهم بايدي امينه اخوات عربيات ومنهن سعوديات بعيدا عن جنسيه حاقده كما نسمع عن الخدم
اجهز لوازم الغداء من الليل انظف بيتي يوم الاربعاء وعندي جدول اسير عليه ووالله ان حياتي افضل من وجود الخادمه الآن صحيح راحه جسديه لكن الراحه النفسية معدومة
المثال الثاني احدى الزميلات تقول ذهبت شغالتي وكنت متعبه نفسيا من بعدها لانها شرسه ولم تريحنا وقت وجودها فجاأتني ردة فعل بأن استعين بالله ولااستقدم علما ان لديها طفل معاق وتحتاج لمن يكون معها تقول وانا متحمسه كنت اكبر واهلل واسبح كما جاء في وصيته صلى الله عليه وسلم
فوالله اني اقوم الصبح نشيطه واقول ليش شغاله وجلست قرابه السنه دون شغاله ولكن بالنهاية تقول تزاحمت علي بعض الظروف واصبحت انام من التعب دون التسبيح والتكبير فاذا قمت صباحا كسوله واجلس اقلب براسي وش جنسية الشغاله اللي ابغى اجيب فوالله انها تحلف انها لمست اثر وصية الرسول صلى الله عليه وسلم

لكن للاسف يا اختي الآن نجد الوحده مامعها الاطفل والمصيبه غير موظفات وتبي شغاله (بصراحه احس انه عقدة نقص ليش الناس عندهم وانا ماعندي فلا انسى وحده ماعندها الا ولد وغير موظفه وتقول عشان تلاحق ولدي اذا رحت لاهلي وتشوفين الشغاله تدور خلف الطفل ووهي شايله شنطه بشكل خلى الناس يضحكون عليها يقولون تبي تفخفخ
واذكر موقف وحده كانت بالمستشفى تعرفت عليها اثنا تنويمي لعارض صحي
صغيره بالعمر ومسويه عمليه لولدها عمر 8 شهور وهي من خارج الرياض انصدمت يوم قالت والله طفشت من مرافقة ولدي ابتصل على زوجي يجيب الشغاله تجلس عنده !!!!! انصدمت قلت وين الشغاله قالت مع زوجي بالبيت (المصيبه من الجنسية اللي انتم عارفين !!!و لأنها من خارج الرياض وساكنين شقه مفروشه قلت هذي شغالة اهلك قالت لا ياعمري شغالتي وانها تحب ولدي وكل شوي تتصل على !!! قلت من وين تكلمك قالت من جوالها والله يا اخوات عورني راسي
ماعندهم الاطفل وجايبه الشغاله قبل لاتولد
مخليه الشغاله مع زوجها بالشقه وهي مرافقه مع ولدها ونايمه معه !!!!!
الشغاله معها جوال .............ما ادري الى اي حد سذاجه وصلنا وضربنا بالدين عرض الحائط وما اخفيكم بعد فتره كلمتني تبي تجي تزورني تعذرت منها اخاف تجيب شغالتها تخرب شغالتي
فانا ارى ممن يحتاجون الشغاله
الاسرة التي لديها معاق لان له مسؤلية خاصه
المسنه التي تحتاج لمن يخدمها
كذلك بعض الاخوات تكون مريضه او احد الابناء دائم المرض فتحتاج لمن يعينها
اما الموظفات لا لاني جربت انا اقول الام الحريصه ماتخلي ضناها عند الشغاله فيه حضانات وشوفوا الى اي حال وصلنا مو العنف الاخطف الاطفال وهروبهن بهم
والله يصلح الحال

جزاك الله خير

جزاك الله خيرا على طرح هالموضوع
انا الحمدلله ماعندي شغاله ومرتاحه نفسيا من هالناحيه وشغل البيت مقدور عليه والحمدلله على كل حال

موضوع مرة روعة

والله انهم هم على القلب جلست 6سنين ما عندي شغالة والله راحة مع ان عندي بنت معاقة وخالتي أكثر الأيام عندي لكن تدبرت أموري بس الحين كثروا عيالي والبيت صار دورين ما عاد ألحق

دايم أقول ليت عندنا شغالات يجونك باليومي ما تنام عندك كان أهون أو يوم ورى يوم

أما كلامك يا الناصحة فصادقة والله زملاء زوجي واحد عنده طفل والثاني طفلين وكلهم عندهم شغالات وحريمهم مب موظفات وواحد منهم عليه ديون لين السماء الحمد لله الي عافانا مما إبتلاهم به