مملكتي الخاصه

غاليتي راعيت البوش ..... انا عايشه نفس التجربة وساكنه مع زوجي ببيت اهله .. وهم ناس مررره ممتازين وصالحين ....وكل امرأة تحلم بجنتها الصغيره .. مملكتها .. بيتها ...بس احياني ما يدري الانسان اين الخيره .. وعسى ان تكرهوا شيئا وهو خيرا لكم .....
حاولت اقنع زوجي باننا ننتقل لوحدنا ونعيش الحالنا وجاوبني بعقلانية اقنعتني بصراحه ذكر نقاط منها
1- مثل ما الامرأة تحلم ببيتها الخاص فيها ... صدقيني الرجال من باب اولى ... لان نظرة الناس للرجل اللي ما قدر يشتري بيته وساكن مع والدته وهو ابو عيال نظرة مو تمام شوي .. حتى الرجل يحلم ببيته الخاص فيه ..
2- الشيئ اللي يمنع من الانتقال حاجة من اثنتين :
اولها قلة ذات اليد .. والصبر لتكوين قاعدة اقتصادية جيده تخوله للانتقال .. لانه لو انتقل في بيت او شقة اجار مستحيل يجمع شي يبني بيت لاولاده
ثانيها قد تكون لدية الاستطاعة ولكن حرصه على والدته والقرب منها وبرها يمنعه من الخروج من البيت .. وهنا نقطه حساسه .. تذكري ان البر بالاهل دين .. وهو ما يبحث عنه الرجل وزوجته من ابناءهما .. الى ان يقضي الله امرا كان مفعولا .. وانظري في اعين ابنك وتخيلي المستقبل القريب اذا كنت بامس الحاجه لوجوده وينتقل بعيدا :(
3- اهم نقطه .... لا يعلم الانسان اين الخير الذي كتبه الله له من جراء ذلك ؟؟ ان كان صبرا لجمع المال والاستعانه بالله فليبشر باذن الله بالرزق القريب .. وان كان سبب البقاء برا بالوالده .. فلتعلمي ان الله قد يحرمك من بيتن خاص بالدنيا ويجعله قصرا في جناااات النعيم .. :)

عزيزتي استعيني بالله .. وكوني عونا لزوجك ... فكم من عائلة وعائلة سكنت افضل القصور ... وحياتها هم ونكد .. وكم من اسرة قد تسكن عشا وتحسن الظن بالله ولها من الخير العظيم ما الله اعلم به ...

اعتذر للاطاله

اختك ام فهد

يمكن ظروفه الماديه ماتسمحله ولا شنو اللي يخليه قاعد بغرفتين ل4 اشخاص ماشاء الله
حاولي انج ماتضغطين عليه

وكلمي احد قريب منه بعدج يشاوره بالموضوع

فهميه ان كان قادر ماديا لو على تاخذون شقه بجنبهم

ادعي وان شاء الله يغير رايه

كلام البنات صحيح ما يدري الواحد الخير وين لا تفكري في الموضوع
عشان ما تتضايقين
عزيزتي استعيني بالله .. وكوني عونا لزوجك ... فكم من عائلة وعائلة سكنت افضل القصور ... وحياتها هم ونكد .. وكم من اسرة قد تسكن عشا وتحسن الظن بالله ولها من الخير العظيم ما الله اعلم به ...