بناااات مالي بعد الله الا انتم اشكي له تحملووني والله اني اموت باليوم الف مره
ومحد داري عني
بنات انا ملكت على انسان رغم انه كان لي خاطر بانسان ثاااااااني
لكن ماربي كتب وهذا قدري ولازم ارضى فييه وغصب عني يوم العقد للي البنت تكون فيه طايره من
الفرحه كنت ابكي لان ربي ماكتب لي ذاك الشخص من نصيبي
مرت الايام وحاولت احب زوجي ( خطيبي ) وانا عندي قناعه اهم شيء اتقبله ويكون بيننا نوع من
الموده والالفه حتى لو ماكان فيه حب .. وايقنت اني لازم ارضى باللي ربي كتبه دام القرب من اللي
تمنيته مستحييييل ومن عاشر المستحيلات .. والحمدلله على كل حاااااااااااااااااال
ومافيه شيء بعيد عن رب العالمين الله يحببني فيه ويحببه فيني
السالفه ومافيها اني تعبت منه لعدة اسباب
بنات .. ماحس انه كريم .. يعني تجيه فترات يكون مااااسك جيبه واحيانا يخف شوي
بقول لكم امثله
احيانا لما نكون بالسياره نمر على سوق يقول تبين نتسوق ؟ وانا استحي اقول ايه اقوله لا
يقول براحتك !
وبيوم كذا قالي تبين نشتري من المطعم وهو عارف اني ماتعشيت لكن انا قلت له لا
اشترى لي عصير بس ! ولما عرف خويه قاله خبل انت بس تشتري لها عصير
وبيوم كنا بسوبر ماركت وهو كان وده يشتري زيت قالي اختاري انتي النوع اللي يعجبك
اخترت له نوع قال لااا ذيك النوعيه ارخص !!!!!!!!!!!!!!
وبيوم كان عنده 4000 قال نبي نتسوق فيهن ولما سحبهن اشترى بهن اي فون
وقالي راح يركب لي شريحه فاتوره بدون بطايق بس لليوم ماشفت شيء !
كنت ولازلت احب الرجال الكررررريم بشكل مو طبيعي وسبحان الله ماحسيت ان فيه هذي الصفه
ضاقت فيني الدنيا
البارح يقول انه يبي يبني شقه فبيت اهله مايبغى اجاااااار > وكل شوي امسك صفه تدل عالبخل
انامابغى اسكن مع اهله ابغى ارتااااااااااااااااااااح ليه انا متزوجه عشان اعيش مع ناس وارتبببببببط
فيهم ! والا عشان ارتاح واعيش معاه هو وببببس !!
مو عارفه كيف افاتحه بالموضوع واقوله مابغى اسكن مع اهلك بشقه ابغى لحالييييييي بعيد
صدمني لما قال احتمال يكون عرس اخوه معانا اانا ابغى العرس لحالي مو من حقي !!
لاني جربت لما بنت خالتي تزوجت مع عروسه ثانيه ماصارت كل الامور زي ماتبغىىىىىىىى
ميته قهر للدرجه هذي الدنيا ماكلفت على نفسها تفرحني بأبسسسسسسط الامورررررررر
دعواااااااااااتكم لآختكم