عفوا مع وليس ضد

انا ضد
- لان اصلا المكان متعوب فيه ومصروف فيه مبالغ غير سهله من كوشة وكراسي وطاولات وتجهيزات كامله واكيد عليها تأمين وبصراحه الاطفال ماقد حضرت زواج فيه اطفال الا يجيبون العيد
لا تقولون عيالكم فيهم بلى لا اللي يجيبون الاطفال الطرف الثاني من المعازيم
واكره جدا الفوضى اللي تصير ينقلب الزواج مهزلة
- اللبس / المفروض الاطفال ما يشوفون اللبس الدارج في الزواجات واذا انا مستورة فيه غيري كانها بلبس النوم
-المكان اصلا غير صالح للاطفال او حتى تأمين وناستهم الزواج جلسه واكل وسوالف ورقص وش اللي بيحبونه الاطفال فيه ؟
-المفروض الطفل ما يسهر للوقت هذا لانه شي غير صحي لجسمه غير الازعاج من طق مستمر
-اللي تقول نوديهم عند شغالة ! يعني انت قررتي انو كل اللي يروحون من غير اطفالهم او غير مؤيدات عندهم شغالات !
انا ما عندي شغاله وضد وجود الاطفال لاني لما اطلع لزواج ابي اكون مبسوطه
وترى اجلس بدون ما احضر مناسبات سنتين وثلاث ولا احضر الا اذا ناسبت الظروف ولقيت احد ثقه يهتم في اطفالي بدون ما اضغط عليه ويكون المصالح متبادله اسوي له خدمه بالمقابل لو اشتري له هدية رمزيه او اعزمه على عشوه
يعني عشان اكون ضد لازم اكون عندي شغاله وفي الشهر احضر 10 مناسبات !
لكني اشوف انو اهل الزواج حرام يخرب زواجهم لان ظروفي انا ما سمحت لي ! وايضا لاني اشوف سلبيات كثيرة في وجودهم ومواقف صارت لي شخصيا ما ابغى اقولها لانها تعد خاصه
وكلها سلبية جدا
وصراحه يخرب الاكل والبوفية والحمامات والكراسي وبس يمر ساعتين على الزواج يبدا الفوضى لان الطفل ما يقدر يسيطر على نفسه مسكين واذا توقعنا منه كذا نكون ظالمينه
ولا تقولين عيالكم فوضى
اقولك حضرت لاكثر من ناحية ومن مكان
واهل الاطفال اكيد بياكلون عيالهم
والله انو مجموعه كبيرة اعرفهم اذا شافوا الاطفال حاضرين وداخلين قاعة الاكل يجلسوا برا ما ياكلون
يقولون ما نضمن الاطفال اكيد موسخين كلش
ويالله الزواج خرب واغلب المعازيم تركوا الاكل والام كان بامكانها بشوية تخطيط
تدبر لعيالها مكان
وترى مو واجب انو الوحده تحضر كل زواج تجيها بطاقته
تروح للي تناسبها الظروف وباذن الله مهيب ميته
تجلس عند عيالها وهذا اللي اسويه انا ومقتنعه فيه
بعد بعض الحريم ما تخلي مناسبة الا تحضرها وتبي الكل يراعي ظروفها !
طيب راعي ظروف اهل الزواج اللي دافعين في ليلة زواج بنتهم او ولدهم مبلغ وقدرة ويبون يطلعون فيه بليلة جميله وذكرى
بتقولين عيالي مؤدبين ؟
اغلب الناس يقولون كذا ولو فرضنا انه فعلا عيالك مؤدبين اذا وافقوا اهل الزواج على حضورهم ورفضوا غيرهم بيزعلون الناس ليه فلانه جابت عيالها وانا عيو على بنتي وليه علانه جابت ولدها وانا عيوا يدخلون ولدي
وطبعا مو كلن بيكون مؤدب وفي نفس الوقت بتكونين سببتي لاهل الزواج احراجات ومواقف قد تسبب زعل بين الاقارب وبدال ما يكون الزواج للتواصل يطلعون وهم متضايقين
يا يدخلون الكل او يرفضون الكل
ليه ما دخلوا ولد بنتي والا ما رضوا يدخلون عيال ولدي وكل عايله معها عدد غير محدود وكلهم يحسون انهم من حقهم يجيبون عيالهم زيك زيهم
وهنا بدت الفوضى وخلص العرس خرب

اذا كانت الام مهتمة بعيالها مومشكلة
بس للاسف اعرف حريم اذا راحو مكان نسيت عيالها تسولف وترقص وتتقهوة
ولاهمها بزارينها على الكوشه ويكسروا فناجيل القهوة ويتضاربون مع بعض والام لاتحرك ساكن
يعني المفروض الناس عزموكي تقدرينهم وتقدرين فرحهم الي متكلفين عليه اكبر عييييييييييييييييب بزرك يحوس ويكسر وانتي تتفرجي
في موقف مره حضرنا فرح وكان ممنوع اصطحاب الاطفال الا اخت العريس جايبه ولدها لانه فرح اخوها
وانواع القلق ويجري عالكوشه ويخرب حتى في الزفة دخل مع العروسة والعروسة زعلانة خرب زفتها والام ولا همها
يعني الشيء الي مانرضى لانفسنا المفروض مانرضاه لناس

بغض النظر عن المذكور ببطاقة الدعوة ان كان مسموح او ممنوع


انا كضيفه لو بحضر زواج ماابي بنتي معي , اتركها مع ابوها او اجلس معاها بالبيت واعتذر عن الحضور


لاني طالعه اغير جو وانبسط , واجواء الزواج غير مناسبه للاطفال ابدا طق و رقص ويرجع الطفل سهران وتعبان


اذا ابي عيالي ينبسطون اوديهم العاب , حديقه , بحر , بر .... مو زواج !!


طبعا هذا غير حوسة الاطفال وشغب بعضهم بالزواجات والاحراج اللي ينحطون فيه اهل الزواج بسبب التخريب


ولا اللي تحضر ومعاها طفل رضيع وعربيه وتزاحم الضيوف فيها ووقت الزفه صوت البيبي مالي القاعه

ضد أكيد




Sent from my iPhone using منتدى عالم حواء

رحمَ اللهُ قلوب رَحلت ولَم تُنسى ،،،
وجبرَ الله قلوب إشتَاقت فَـ دعت ،،،