ممنوع اعترض واعبر واتكلم عن شعوري

زوجي بين كل كلمة والثانية يقولي انتي اسكتي...والسبب خواته حسبي الله ونعم الوكيل هم قالت له الرجال لازم يكون اقوى من المرى ولازم له هيبة في البيت وجا غير روحه سوى نفسه اسد علينا بسبب تخبيبهم والشيء جدا يضايق ان صوتة مكتوم انك ماتعبر عن الشيء اللي يضايقك في العلاقة خاصة انه يسوي تصرفات تقهر...يعني لاحظت يخاف من اخته وش قالت ولازم نسويه مثلا انا عباياي سودة وكذا ويعني ماني اللي لبست حتى عباية ملونة بعد صرت كاني عمري ميتين من تزوجته كل شيء صاير مو عاجبه مع اني ماغيرت شيء عباتي نفسها وكل شيء نفسه بس هذا خواته تدور مشاكل يبغوني اطلق يطفشوني مثل ماطفشو زوجته الاولى حسبي الله ونعم الوكيل انا للحين صابرة عليهم يوم شاف انه تعدل بعد ماتزوجني قامو رجعوه مثل قبل ماشفت ناس اخبث من كذا والمشكلة إذا تطلقتي تجي اخته اللي سبب المشاكل تبغى تصلح بيننا.
انا بس افضفض من كثر ما مضايقة منهم ماعرف حتى اعبر وش شفت منه ومنهم بس آني الاحظ يتاثر بكلامهم بسسرعه ويعني ماتوقعت كذا كرهت حياتي بسببهم انا عندي اكتئاب مو ناقصة احد يضايقني فحياتي بتصرفات تضايق حسبي الله ونعم الوكيل ومايرضى اناقشه يعني يبغى اسكت ولافي وقت اصلا ناقشه بعد.
إذا اتكلم يقول هو رجال البيت الحين مين يتكلم انا اللي اتكلم وكذا يعني ويحاول يرعبني بتصرفات ماودي اكتبها بس هذا يطبق وش قالو له لازم يكون له هيبة ماتوقعت شخصيته كذا مهزوزة ومدري وش ودي اقدم عليه لان تعبت لايكلف الله نفس الا وسعها لكن مدري وش اقول اهل متناقضين ماودهم يستقبلوني مافي مكان لي وانا اعرفهم جبانين قالو لي ارجعي ومافي غير ارجع مكان اروح غير مافي.