ماشاء الله ......تبارك الله
مموش الروبيان اليابس
هذي الأكله مشهوره بديرتنا ونسويها في كشتاتنا للبرك
يعني هالأكلة قديمه من يوم احناصغار كانت الجدةوالجارات يتواعدون يطلعون للبركه (الأستراحه)
ويأجرون لهم باص وكل عايله تحط شويه رز وشويه روبيان ولي راحوا للبركه
يتعاونون في الطبخ
عطيتكم نبذة عن المموش
المقادير
روبيان ناشف منقوع بماي
بصل مفروم
وماش مسلوق
ثوم مهروس
طماطم مفروم
فلفل بارد
بهارات (قرفه هيل كمون كزبرة ناشفه بزار)
ملح
ليمون اسود عدل
وكزبرة خضراء
رز مغسول ومنقوع
الطريقة
نحط البصل على النار مع شوية زيت
ونخليه يضرب بالقدر يعني تحمر قاعته
نضيف عليه شوية ماي ونحركه عشان يعطي للبصل لون بني
نصب شوية زيت ونحرك
نحط الثوم والبهارات
نحط الطماطم وبعدها الروبيان
نحط الماش والليمون الأسود
نخلط الجميع ولاتنسين الكزبرة
يتبع
نضيف الماي والملح ونتركه يغلي على النار
بعد مايستوي الروبيان نحط الرز المنقوع
نتركه لغاية مايتشرب ونحطه على صفيحة المنيوم ونوطي عليه النار
بعد مايستوي نغرفه وهذي شكله النهائي
وصحتين على قلوبكم