انا ان شاءالله عن قريب راح انزل بشقة صغيرة بس احس اني طايرة من الفرح خاصة لاني كنت ساكنة مع اهل زوجي يعني كنت مراقبة بقوة بالطلعة والدخلة ما اخذ راحتي ابدا واتوقع ان الشقة مع انها لازقة بأهل زوجي وصغيرة جدا الا اني متأكدة اني راح احس فيها بارتياح واستقلالية
ادعولي بنات الله يخليكم ان ربي يسهل امري واطلع بشقة بسرعة
سديرية
•
أنا ساكنه في شقة أنا اللي مختاره صبغها وسيراميكها بس ماأحس براحه فيها لأن العماره اللي أحنا فيها قديمة وما فيها باب خارجي يعني ماأقدر أعزم أحد فيها ، مع أن الشقة واسعة ومطبخها كبير وغرفها واسعه والصالة كبيرة سويتها جزئين واحد جلسة والثاني لطاولة الطعام وفيها بلكونة سكرتها وخليتها مكان للغسيل ، اللي مصبرني أنها ملك لأبو زوجي ولكن الدرج والمدخل يفشل
أدعوا لي أن الله يسدد ديون زوجي ونشتري بيت
الله يوفقكم ويسدد خطاكم ويعطيكم ماتتمنوه
أدعوا لي أن الله يسدد ديون زوجي ونشتري بيت
الله يوفقكم ويسدد خطاكم ويعطيكم ماتتمنوه
والله فيلا ولا شقه اهم شي انها تكون ملك لك تحسين بالامان فيها من غدر الزمن ولا تفرطين فيها ابد انا ساكنه في شقه ايجار ومهددين بطرد منها باي لاحظه كل شهر المالك يزيد الايجار وكنا نتمني فيلا بس اليد قصيره ومع مشاكل الايجاراستسلمنا لامر الواقع وقررنا اننا نتشارك مع اخوان زوجي علشان نبني عماره ونجلس لين تتحسن الظروف ونطلع في بيت مستقل وبرغم من ان الشقه الملك اصغر من اللي الحين ساكنه فيها بس انا مبسوطه فيها كثير لانها ملكي وانا الحين اثثها باثاث جديد كني عروس ان شاء الله تكون مقدم الخير علينا اهم شي انها ملك داهو الحلم العربي
sol6anh
•
اكثر شئ في حياتي ومنغص علي عيشتي شقتي الخايسة 1/ مطبخ صغير 2/لايوجد مخزن 3/ لايوجد مكان للغسالة 4حماما صغير يجيب الهم والغم بلإختصار عيشة تقرف الي يطلعنا لبيت مللك لوكان شقة اهم شئ يكون ملكي واعدل فية زي مابي حتي لوخيمةاكثر شئ في حياتي ومنغص علي عيشتي شقتي الخايسة 1/ مطبخ صغير 2/لايوجد مخزن 3/ لايوجد مكان...
والله صادقه ولا كمان حطي الفففففففففففففففففففففففف خط تحت حماما... صغير يجيب الهم :06:
الصفحة الأخيرة
عيوبها يوووووووووووووووه ما تنعد ..
الجيران كل شهر شكل مرة ملاقيف مرة فضوليين مرة مزعجين مرة قليلين ادب ..
السيارة كراجها مفتوح بابها ما يتقفل عليها ...عشان جذي كلها غباااااااار ,,
الدرج يووووووه وما ادراك ما الدرج اذا شايلة عيالك شايلة اغراض البيت رجلك تتكسر .
الصوت ما في خصوصية اللي تحت يسمعونك واللي جنبك يسمعونك واللي فوقك يسمعونك .. وانتي نازله وانتي طالعه يسمعونك ..
حوش مافي اليهال ما عندهم مكان يلعبون فيه لا دراجه لا سيارة لا كورة ..
مخزن ما في الاغراض تحت السرير مدعسه في الخزاين ما عندك مكان تحطي فيه المكنسة الاجهزة خصوصا لما يكون المطبخ صغيرة خزاينه ..
غرفة الخدامه واه منها اذا ما فيها غرفة زياده تضطرين تنومينها في المطبخ ولا غرفة من غرفكم وهذي بحذ ذاتها مشكلة ..
الحمام وخصوصا لما يكون بس حمام واحد .؟؟؟ اكبر مشكلة الكل يبغا يستخدمه حتى الشغالة وياكم فيه ؟؟ اف قرف ..
الموية تنقطع بسرعه ونتم بالايام بدون مويه .؟؟؟ في مشكلة اكبر منها ؟؟
المطبخ خزاينه قليلة وصغيرة
الارضيات تفشل ...
الصبغ عادي ..
الابواب نوعيتها ردئية .. متقشرة ..
الغرف والمساحات ضيقة ما تكفي اثاث ولا تكفي عزايم ..
الاثاث مهما حطيتي في الشقق ما يبين فخم ولا يبين حلاوته .. لان ما تقدرين تسوين وتغيرين لان البيت مو ملكك ..
الحمام ادواته الصحيه نوعيته رديئة .. وكل يوم منكسر شئ ..
الاضاءة ضعيفة ما فيها سبوت لايت ولا فيها ثريات ..
البلكونه تطل على الشارع العام ما تقدرين تطلعين حتى فيها لان تحت كل رجال وجيرانا فاتحين كراج لامين كل رجال الحارة ..
وش بقى بعد ............. غير ايجارها اللي ينقص من الراتب كل شهر .. وهي مو ملكك ..
الشقة كل شئ فيها عيوب .. ما فيها حسنات ..ابدا .. غير ان تنظيفها اسهل بس اذا جبتي شغاله تتعلم على الكسل لان التنظيف سهل ..
يمكن حسنتها الوحيدة ان تحسين بلمة العائلة وهاذي فيها بعد سلبيات يعني لو احد يبغا خصوصية ما يحصل له ..
الحمد لله على كل حال الله يرزقنا بيت الملك وننتقل لبيتنا الجديد هاذي السنة ..