مناسبه مفاجئه ليتني لبست هذا او مالبست ذاك

موضوع رايق كصاحبته--

المواقف كثيرة خاصة كلمة ليتني لبست هذا او ليتني مالبست هذا--
في بعض الاحيان استخسر لبس على مناسبة ويظهر لي بعدين لواني لابسته احسن00--
اللبس عندي مو مشكلة لان دالوبي مليان بسبب اني اذا دخلت السوق وعجبني شيء اخذه واخزنه في الدولاب لحاجته00

موقف صارلي وقريب --مرة رحت لناس تربطني ببنتهم علاقة قوية ووقع اختياري على لبس بسيط بلوزة وتنورة صح ان فيها حركات بس لما دخلت لقيت عندهم ضيوف كانوا لابسين لبس الله واعلم انه لبس العيد من فخامته وهذولي الناس اتوقع ماعاد اني بشايفتهم مرة ثانية الايمكن عقب قرن وتضايقت لان عندي ملابس بالهبل ومااستغليتهن او بمعنى اصح اني ماتوقعت ان الناس يلبسون ملابس رسمية وفخمة في مناسبة نفاس0بس اللي صبرني ان شعري شكله كان حلو فمعطيني مظهر افضل000 ولان بيئتنا لبسها دايم هادي وناعم حتى لوكان غالي00 فحسبت الناس كلهم مثلنا00

بس بعد هالروحة صرت اكثر وعي وعرفت اني لازم البس في اي وقت افضل شيء عندي علشان الناس ياخذون عني فكرة وعلشان بعد مااكسر بخاطري00
في الزواجات الحمدلله ماقد مر علي موقف تحسفت فيه00وبس سلامتكم

أم رها

يسلمو ياعمري على ردك المتكامل بس يالغلا ماوضحتي لنا كيف كان لبسك في حفلة النفاس حتى لو بسيط من ناحية الموديل والألوان اتمنى انك تشرحين لنا اكثر

عباة الأولين
ياهلا بالذوق كله بس خاطري تشرحين لنا عن لبسه لك لو حصلت لك حفلة ملكه يوم ثاني فجأه مثلا وانتي ماستعديتي وش راح تلبسين وتتحفين بأبداعاتك المتميزه

بالنسبه للبقيه وينهم ومن غير عتب يعني مستحيل مااحد مر بها الموقف من قبل



انا بتكلم عن الموقف اللي حصل معي وهو كان مناسبه من جهة مرت حماي ومادريت عنها الا قبل المناسبه بيومين وبرضو في هاليومين كان مستحيل اني انزل السوق
فاحترت مابين اني البس تيور من عندي ولا اشتري فستان بسيط ولا البس فستان قديم عندي من عام الفيل يمكن من اربع سنين وهو عندي وكان عادي اني البس فستان لأن المناسبه كانت عرس بس كان عائلي جدا جدا

فقررت في نفس يوم المناسبه اني اشتري فستان بسيط وناعم دخلت السوق ولقيت فستان نااااعم حركته مثل تكسيرات البليسيه الصغيره وتحت الصدر جاي فيه مثل الشك البسيط والناعم عجبني ودخل مخي بس قلت ماتستاهل المناسبه اني اروح اشتري فستان لها وبصراحه بخلت اني اشتريه بس لهذي المناسبه واتركه لأني كنت بسافر وماراح استغله وموديل الفستان كان موضه ولو بلبسه بعدين بيبين شكلي مغبره وكأني طالعه من قبر وتوني اجلس من النوم <<<<<< وكانت غلطة عمري



فقررت اني البس الفستان القديم اللي عندي من زمان وكان ستريش احمر ماله موديل الا قصه بسيطه في الصدر والباقي عادي ولبست عليه شااااال <<<<<<<<<<<<<<<<<:09::09: طبعا الشال الحين انقرض والمفروض يحطونه في المتحف لأن الناس خلاص صارت تركب اكمام وحركات وانا شال

ولبست اكسسوارات تقليد الماس عقد واسواره وحزام سلال ماادري وش يبي كل ذا ابي افخم الفستان مع مكياج هادي وشعري كان مستشور


الزبده اني كل ماذكرت شكلي كان ودي اصيح :icon33: وماني راضيه عن شكلي نهائي :44: لأن الفستان قديم وماساعدني اني ابرز جسمي بالشكل الحلو اللي ابيه لأن ضعفت كثييييرر وظلمت نفسي لما رجعت لبسته وخفيت جسمي وراه وستايلي مافيه اي تميز او جاذبيه او ابداع ولو اني مابخلت على نفسي واشتريت فستان جديد كان ماصار اللي صار وطلعت بالمظهر اللي يرضيني


بس كان درس لي وان شاء الله باستفيد منه في المرات الجايه :)