مناصرة الامهات حتى بالخطا

السلام عليكم ورحمة الله وبركاته
اولا اخواتي مشان مااحد يهاجمني انا اميمتي متوفيه الله يغفر لها ويسكنها اعلى الجنه وجميع موتى المسلمين 
لكن انا اتكلم عن البنات اللي يشتكون من امهاتهم وقسوتهم احيانا او افعالهم اذا فاقت التحمل اتفاجا فيه ناس يدافعون عنهم حتى لو غلطوا انا مااقول حرضوا ضدهم وبالعكس فيه ناس اسلوبهم جدا جميل يهدون الامور 
مع اعترافهم بان الامهات بشر ويخطئون لكن هذا شئ مامنه مفر 
فمالهم الا تهدئة النفوس ومحاولة تقديم الحلول 
اما اللي تشوف ان الام ماتخطي فهذي يااما انها ام ومعاملتها واسلوبها خطا مع عيالها فتناصر رايها 
او انها بنت ماعمرها ذاقت الا الدلع والمروفه او ان امها متعلمه وفاهمه 
اما انا لست ضد الامهات هنا 
لكني اطلعت على قصص كثير اشوف اخطاء من الامهات اقسم بالله اشك لو ان امي رحمة الله عليها كانت موجوده وتفعلها اني بتحمل 

وحده اعرفها بتزوج الناس يجهزون لها بنات جيرانهم وبنات عمومتها يجهزون لها وامها موجوده وبكامل عافيتها بس لانها تميل للاولاد البنات لا يقام لهم اي قيمه او اهتمام 

ام ثانيه تسكت بنتها امام الناس واحيان قد تضربها باي شئ سواء عند اقاربهم او بيتهم عند زوجات اخوانها وغيرهم 

وثالثه تدعي عليهم قدام الناس لمجرد ان القهوه كانت خفيفه او الشاي ثقيل 

لا ننكر ان فيه نماذج كثير تناصر الولد تدافع عنه حتى لو شوهد بالعين في اكبر جرم واشوف هالشئ منتشر بين بيوت صديقاتي وهم من مجتمعات مختلفه كثيره 

اما البنت لو زادت في نومها ساعه او ساعتين او قصرت في اي شئ قد تصل للضرب من الامهات 

فلا تدافعون عن الصح والغلط قدموا الحلول العقلانيه مو تردون لمجرد انكم رديتوا 

اللهم اغفر لامهاتنا وارحمهم وتجاوز عنهم سيئاتهم وجازهم بالحسنات احسان