مناقشة= الرقم المميز ..

السلام عليكم

اولا حياج الله عندنا

ما ادري اختي انتي تقصدين ارقام الهواتف المميزة بصراحه انا مرة شريت رقم مميز مبالغ في سعرة لكن بصراحه الرقم كان يعتي لي شي مهم لكن سبحان الله مع الوقت ولدي اعجبة الرقم وخذه مني وصار الرقم عند ولدي عادي الحين اي رقم عندي مو مشكله لكن النكته فعلا ان الرقم صج مميز ولما خذه ولدي وتم يدق علي ربعه يعلمهم بالرقم الاغلبيه ما يردون عليه تدرررررررررررررون ليش اكثرهم كانوا يخافون يقلون رقم مثل هذا توقعهم انه مضيع يعني مو معقولة لالالالارقم رهيب مره

مضيعة وعرموشة

الرد:
الله يحييج يا أختي ..و أما أنا قصدي من الموضوع أرقام الهواتف( الجوال - البيت)+ السيارات ..إلخ

و بصراحة أنا أبغي أعرف هالرقم المميز يستاهل دفع بهذا المبلغ؟ وو ما قلتي لو دفعته على شيء ثاني كان أحسن ؟.

. بما أنه مجرد رقم عادي و بالأخير أي شخص إذا كنتِ أنتِ حابة تفرجينه الرقم بالأخير بيحفظه أو يخزنه بالجوال

بغض النظر عن رؤيته ..

و أنا سميت الموضوع مشكله لأن صار في مجتمعاتنا تفرقة بين أفراد المجتمع.. لذوي الأرقام المميزة مثلا السيارات ..

و أتمنى أسمع آراءكم ..و هذي نبذه عن المناقشة ..

و شاكرة لج يا أختي مضيعة وعرموشة.. و لا تحرمينا من مشاركتج ..

أختكِ في الله
هيتوبة دبي

هلاوين اختيـ هيتوبة دبي
بنسبه لي حبيت يكون رقمي مميز بس بسعر مو مبالغ فيه مره لسهوله حفظه ولاني ماحب اغير.

اما ارقام السيارات الي نشوف الاعلانات عنها بالجرايد توصل لاسعار فضيعه ومو معقوله تدل ان فيه فعلا ناس عقولهم على قدهم وماعرفوا وين يودون فلوسهم اعوذ بالله لا ويبدلون اللوحه كل كم شهر من باب التفاخر ونسوا ان المسرفين اخوان الشياطين ونسوا يحمدون ربهم على النعمه ويتصدقون بجزء منها لدفع كل شر عنهم !!
..

.

أنا أحس أن هذا الشخص فيه نقص ويبغى يميز نفسه بالرررررررررررررررررررررررقم:32:



















من يبيع لي رقم مميزززززززززززززز:D

انا ما عمري سعيت لرقم مميز .. ولكن سبحان الله .. رقم هاتفي الأول مميز وعندما غيرته ايضا حصلت على رقم مميز و رقم سيارتي مميز أيضا .. ورقم سيارتي كان تقريبا متطابقا مع رقم هاتفي الأول ...

انا كنت سعيدة لما جاتني هالأرقام .,. لا أنكر ذلك .. لكنها جاتني صدفة :)