كيف حالكن يا احلى عضوات باحلى منتدى ...
اختكن ناوية تشتري بودرة وطبعا متل ما الكل بيساوي لازم نبحث قبل ما نشتري خاصه اذا كانت الميزانية على الاد ..
انا شخصيا كان استعمالي للبودرة والاساس قليل جدا لان كانت بشرتي صافيه ولكن من بعد سن 30 صارت بشرتي حساسة جدا جدا وصار عندي وردية ادعولي الله يشفيني ...
المهم متل ما انتو عارفين انو البودرة انواع
1)بودرة حرة او اللوز باودر
وهي بودرة متناثرة تستعمل لتثبيت كريم الاساس وامتصاص الدهون واعطاء ملمس مخملي للبشرة ولا تعطي تغطيه قوية انما يكون الاعتماد بالتغطية على كريم الاساس.
لما كانت بشرتي صافيه كنت استخدمها بدون كريم اساس بالصيف لمنع لمعان البشرة وكنت استخدم لانكوم وكان شكلها حلو وطبيعي .
2)بودرة مضغوطة او كومباكت باودر
وهي بودرة ثقيلة القوام وتغطيتها جيدة وتعمل ايضا على امتصاص الدهون وتثبيت المكياج بشكل اكثر وتقوم بتفتيح لون البشرة .
استخدمت جيرلان وفعلا كنت اشعر انها تعطي لون جميل وملمس ناعم .
3) البودرة المائية وهي تشبه المضغوطة بالشكل وتستخدم 2 في 1 فهي كريم اساس وباودر في نفس الوقت
طبعا نستخدمها بتبليل الاسفنجة بالماء ومن ثم نمررها على البودرة.
ما استخدمتها ابدا واثناء بحثي قرأت انها تضر البشرة لانها تقفل المسام فتتسبب بظهور الحبوب والتجاعيد.
المهم وانا ابحث عن احسن بودرة وجدت مدح كبير ببودرة كانيبو توتال فينش ونويت اشتريها ولكن لما دخلت على موقع كانبيو وجدت انه هناك شي اسمه
total finsh foundation
فاذا لاحظتو ما في كلمة بودر معناها هاي مش بودرة هدا أساس فالبنات عم بلاقوا تغطيه حلوة لانها مش بودرة بل اساس وطبعا بيضعوها فوق اساس مائي فهون البشرة راح تتعب صح ؟
اما النوع التاني فاسمه pressed powder
واللي هو بودرة مضغوطة والبنات ما بمدحوه ومذكور في الموقع انها تستخدم مع كريم الاساس
فشو رأيكن ؟!
وهدا الرابط للتأكد
xxx يمنع وضع الروابط
انا شخصيا فكرت اشتري التوتال فينش فونديشين كبديل عن الاساس العادي يعني احطه فوق المرطب وكريم الحماية من الشمس هدا يعطي لون بسيط وتغطيه معقوله بس مشكلتو انو اغمق من بشرتي
فقلت بالبودرة افتحو وازيد التغطية .
على فكرة جربت في المحل بودرة كلينك المضغوطة افتح درجة بس كمان سمرتني وما حسيت بتغطية حلوة وجربت بودرة ديور المضغوطة افتح لون وعجبتني بس سعرها غااالي .
فالان انا محتارة اشتري التوتال فينيش وهل ممكن استخدامها اليومي يؤذي بشرتي
او اكتفي ببودرة مضغوطة او حتى حرة ؟!
فاتمنى تنصحوني .....
