السلام عليكم جميعا وكيف حالكم يا بنات ان شاء الله بخير رجعت الكم باطباقي بس هالمرة ولاول مرة بقسم المعجنات والاطباق مع اني منزلة علي جهازي الفطائر والبيتزا بس ملزقة بقسم الاطباق الساخنة قولت لازم اطل هنا شوية
اليوم ان شاء الله انزل لكم طريقتنا احنا الفلسطينية بالمناقيش ومش عارفة ازا الفلسطينيات اللي في المنتدي بيعملوها هيك تعلمتها من امي اللي كانت تستخدم طنجرة الخبز وفي اخر كم رغيف تعملنا اياه مناقيش
حروح هلا للمقادير وطريقة العمل وبعدها الصور بالتسلسل والعرض البطىء
المقادير:
اولا مقادير العجينة
انا اعمل العجينة بالنظر
بالنسبة لمكوناتها طحين (ابيض او اسمر انا اليوم عملته اسمر)
ملح
خميرة
ماء دافيء
من عندي بحط احيانا شوية حليب باودر
مقادير الحشوة
زعتر
زيت زيتون
يتم خلط الزعتر مع الزيت بحيث يكون شبه سائل
طريقة العمل :
اولا بنعجن العجينة وبنتركها ترتاح لمدة ثلث ساعة لحد ما تتخمر وطبعا بتكون مغطاة بقطعة قماش نظيفة
بعد الثلث ساعة بتعاودي تعجينها مرة تانية وبتتركيها عشر دقائق بعد العشر دقائق بتقطعيها قطع علي قد كفة يدك
وبترقيها بالمرق وبتصفيها علي لوح خشبي مغطي بقطعة قماش او فرشة مخصصة لذلك وبتغطية بعد الرق حتي لا ينشف وجه العجينة
بتحضري الادوات المطلوبة واهمها طنجرة الخبز اللي ما في بيت فلسطيني بيخلي منها "تقريبا" مع التقدم والافران الحديثة
طريقة الخبز:
نضع الطنجرة علي لوح خشبي وممكن تخبزي وانتي قاعدة او تضعيها علي المجلي الخاص بالمطبخ بس لازم يكون تحتها لوح خشبي او ما شابه
توصليها بالكهرباء وتتركيها لمده نصف دقيقة حتحسيها من فوق حتلاقيها سخنت بتحملي الرغيف بتحطيه فوق الطنجرة بعد ما تكوني نقطيه بالاصابع حتي لا ينفخ او بالشوكة بينفع ,هلا بتحطي خليط الزعتر والزيت علي الوجة وبتتركيه شوية وبترفعيطرف الرغيف بالمعلقة بتلاحظي انه من تحت بدا يتحمر بنقليه الي داخل الطنجرة حتي ينخبز من فوق في هده الاثناء بايمكانك تضعي فوق رغيف جديد وتكرري الطريقة من فوق بس انتبهي علي اللي جوه الطنجرة لما يحمر بتخرجيه من الطنجرة وبتحطي اللي فوق وهكذا حتي نهايه العجينة بالكامل
يمكن تكونوا ما بتعرفوا الطنجرة هدا
بس بتمني من اللي بتعلق علي موضوعي تقولي ازا بتعرفها ولا لأ او استخدمتها
نروح للطريقة بالصور حتوضح الدوشة اللي فوق كلها
اختك ام محمد
ارجو عدم الرد حتي يكتمل الموضوع
ارجو عدم الرد حتي يكتمل الموضوع