مناقيش منوعة للفطور ومعها هدية كمان وبالصور

فراشة حيرانة :

بنرجع للعجين وهاد شكلها بعد ما تخمرت ما شاء الله بناخد العجين بنقسمها نصين كل نص بنقسموا خمس اقسام>>>درس رياضيات على غفلة:blink: يعني بصير المجموع عشر قطع عجين بنكورها وبنفردها بهالشكل وبعدين بنساوي اطرافها زي هيك عشان نحط الحشوة وهاي عشان تشوفوا سماكتها لا سميكة ولا رقيقة وسط بننقلها عصينية الخبز وبنحط عليها الحشوة وهاي الزعتر وحشوة الجبنة اول بندهن العجين بنقطة زيت زيتون وبعدين بنحط الجبنة وبنفردها حبيباتي لا تردوا ليكمل الموضوع

بنرجع للعجين وهاد شكلها بعد ما تخمرت ما شاء الله بناخد العجين بنقسمها نصين كل نص...

+1

فراشة حيرانة :

و بالنسبة للعجين اللي بالبيض لازم تنتبهي لنقاط مهمة والا الدنيا بتحوس عليكي: اول شي حواف العجين لازم تكون عالية يعني خلي العجين كانها حفرة وحواليها سور الصين العظيم:hahaha: والا بعدين بيتسرب البيض وبيعمل حوسة جواة الصينية تاني شي لما تيجي تحطي الصينية بالفرن خليها مستقيمة زي ما هي اوعي تميليها بينزل البيض من مكانو وبتدعي علي >>>اوعوا حدا يدعي علي:024: وكمان خزقي العجين من جوا بواسطة شوكة حتى ما ينفخ العجين من مكان وينزل البيض >>>يا دي البيض اللي جننتينا فيه لا صدقوني الموضوع سهل والنتيجة روعة بس بدها شوي تديري بالك شوفي هون كيف الحواف عالية افقسي البيض بشويش حتى ينزل الصفار بكامل قواه العقلية قصدي كامل ما يفرط معك شكلو بكون احلى شوفو ما احلاه:32: رشي ملح وفلفل متل ما بتحبي بهالمرحلة شعلي الفرن حتى يحمى على حرارة 200 مئوي هلا بنيجي للهدية المفاجئة>>>يلا عاد انتي وهديتك:icon10: عارفين المحمرة اللي بتنباع عند مطعم زيت وزعتر انا عملتلكم اياها وبصراحة طلعت اطيب من المطعم جربوها وقولوا رأيكم وهاي هدية للبنات اللي بحبوا الاكل الحار اول شي بنحتاج شطة حارة وهي اللي بتنعمل من الفلفل الاحمر انا امي بتعملها وبتبعتلي اياها ما حدا يسألني كيف بتنعمل لاني ما بعرف ولما امي ما تبعتلي بشتريها من السوق اخر مرة اشتريتها من القرية العالمية الركن الفلسطيني وهاي صورتها للي ما بيعرفها اتمنى تكون واضحة ومعروفة بنفرد العجينة اللي بقيت على شكل مستطيل زي كانا بدنا نسوي سينامون حبيباتي ما تردوا ليكمل الموضوع

و بالنسبة للعجين اللي بالبيض لازم تنتبهي لنقاط مهمة والا الدنيا بتحوس عليكي: اول شي حواف...

+1

فراشة حيرانة :

وبندهنها بالشطة الحارة ولا تكتري كتير الشطة حراقة جدا وهاي صورة لتشوفي سماكة العجين لا تخليها سميكة كتير بنجيب شرايح جبنة وانا بستعمل اما القشقوان واما الشيدر لكن الشيدر لازم يكون النوع الغامق extra mature وهاي بتكون جهة تلاجة الاجبان بالكيلو يعني تطلبيها من البياع وهو بيعطيكي اياها وانتبهي ذوقيها الاول لانو في ناس تكره الطعم اللاذع لهاد النوع من الاجبان الافضل تستعملي القشقوان اغلب الناس بتحبها بحط الشرايح بهاد الشكل وبنلف العجين عليها وبعدين بنحط شرايح تاني وبنلف لحتى تخلص العجينة بتصر مثل الاسطوانة بهالشكل بنقسم العجين بالسكين وبنحطها بصينية الخبز حبيباتي لا تردوا ليكمل الموضوع

وبندهنها بالشطة الحارة ولا تكتري كتير الشطة حراقة جدا وهاي صورة لتشوفي سماكة العجين لا...

+2

فراشة حيرانة :

وهلا بندخل الصواني عالفرن من تحت وبنتركها خمس دقايق وبنتفقدها كل شوي لما تصير ارضية العجين ذهبية بنرفعها عالرف اللي فوق وبنحمرها بالشواية والنتيجة ولا اروع هاي الزعتر والجبنة وهاي البيض مستوي عالاخر لا تخافوا ومحمر ومقمر وهاي هديتي للحلوين المحمرة مع جبن القشقوان وهون عشان تشوفوا كيف ساحت الجبنة وطبقات الجبنة والشطة والعجين طعمها يمي يمي عارفة طولت عليكم بس شوي وبخلص لا تردوا حبيباتي

وهلا بندخل الصواني عالفرن من تحت وبنتركها خمس دقايق وبنتفقدها كل شوي لما تصير ارضية العجين...