مناقيش وبيتزا على الصااااااج .. اوفر واحلى طبعا

بسم الله الرحمن الرحيم

اولا جزا الله خير صاحبة عجينة العشر دقايق ..

انا سويت العجينه بس بدال ما احط ملعقتين من الخميره حطيت ملعقه وما تغير فيها شي سوى انه يتخمر بعد ربع ساعه او عشرين دقيقه وهذا احسن علشان ملعقتين وايد الصراحه ومو زين بعد للمعده . فكفايه ملعقه كبيره من الخميره .. المهم اني سويت العجينه والصراحه شفت روحي مالي خلق احطه بالفرن سرت وطلعت الصاج وقلت بجرب اسوي مناقيش على الصاج .. وجهزت
جبن كاسات المراعي
وزعتر

وجهزت جبن شيدر بالعلبه الزرقاء من مراعي وبشرت الجبنه وجهزت شرائح مرتديلا دجاج و قطعت خيار وطماطم ولو تحبين مخللات بعد ..

المهم اخذت قطعه من العجينه وفردتها و سخنت الصاج وما كان فيه داعي ادهنه وحطيت القطعه اللي فردتها على الصاج ولما اتحمرت من تحت قلبت المناقيش علشان تستوي من فوق ومره ثانيه قلبت وبسرررررررعه شديده تحطين ملعقتين كبار جبنة كاسات وترشين زعتر وتطبقين المناقيش وتتحول من دائره الى نص دائره .. وتاخذين المناقيش على جنب وتلفينه بورق لف السندويتشات ..

نروح للخطوة الثانيه
نفس الشي نفرد قطعه من العجينه بس ما تكون رقيقه ولا سميكه نفس ما تسوين للبيتزا ونحطه على الصاج ونحمر من فوق ومن تحت وتقلب مره ثانيه وبسرررررررررعه مره ثانيه تحطين في النص فقط قريب من الاطراف جبن شيدر ويفضل مبشور وشرائح مرتديلا و وخيار وطماطم ولو تحبين مخللات ونفس الحركه تطبقين الاطراف على بعض و تتحول من دائره الى نص دائره .. وتلفين المناقيش بالورق وراح تذوب الجبنه من حرارة المناقيش

هذا بالنسبه للمناقيش ..

اما بالنسبه للبيتزا .. فنفس الحركه الا اني اخذت من العجينه قطعه اكبر وفردتها وحطيتها على الصاج وحمرت من تحت ومن فوق واتحطين الصلصه و خلطات البيتزا واللي تحبين من الجبن وبس تفتحين شوايه الفرن وتحطين البيتزا في الفرن علشان تذوب الجبنة .. على فكره هالفكره فيها توفير للغاز هههههههههههه ,,

وتقدرين تقطعين البيتزا لمثلثات وبعدين تحطين الصلصه والجبن وباقي المكونات .. مثل اللي بالصوره ..
ان شاء الله استفدتوا من هالطريقه .

بس نصيحه سخني الصاج على نار متوسطه لا هي عاليه ولا واطيه .. وبعدين خففي النار .. واشتغلي