السلام عليكم ورحمة الله وبركاتة..
ام الزوج:
بنيتي عندها 3 بزارين يا بعد امها ومام تفضى تحك شعرها!!<<< روحي حكيه عنها!!
وفي مجلس آخر تتكلم عن مرة ولدها:
وش عندها تكفى!! كلهم 5 بزارين أجل لو تشوفنا منول كل وحدة عندها عشرة بزارين وربي عاينا!!:42:
مرة الولد:
باتوظف وباخلي عيالي عند اهلهم هو أولى فيهم هم عيالهم وامي موب مسؤولة عهنم!!..
لما تولد ويبغون يشاركون في اختيار الاسم:
هذولا عيالي ومالهم اي حق فيهم وامي واخواتي اختاروا اسم عاجبني وخلاص باسميه..:o
اهل الزوج:
يا بنيتي لا تعزمين اهل رجلك واسفهيهم ما وراهم الا الغثا وانتي اللي بتتعبين ...وبيتك بينعفس وعيالك وراهم دراسة ونوم بديي...<<< احلفي!!
وعن بيت ولدهم:
ما تعزمنا فيه بنت الناس الا كل كم شهر الله لايغنيها تراه من حلال ولدنا واحنا اولى فيه من اهلها!!:angry2:
مرة الولد:
ماعندي نية انادي اهل زوجي لبيتي موب فاضية لهم قراوه ويحوسون بيتي ويفشلوني عند اهلي واحسهم ما يحبوني .. لايمكن اباشرهم او اقهويهم موب شغالة لهم...ياي!!
وعند اهلها:
تعالوا بس والدورية عندي وباعشيكم من أغلى مطعم وازواج اخواتي وعيالهم بيجلس معهم ابو فلان (زوجها) موب مقصر...
اهل الزوج:
بعد تناول وجبة العشاء في بيت بنتهم:
يا بعد الدنيا يا فلانة الله يغنيك ويكثر خيرك والله ان تجلسين وتخلين شغالتنا تنظف عنك ...اشوا انك ما عزمتي حريم اخوانك بيغثونك زود هم وبزارينهم ..:22:.. وصوانينا اللي جبناها خليها عندك لين تفضى على خير...
بعد تناول الوجبة في بيت الولد:
الله يغنيك يا وليدي ...وترى ماهنا حوسة تسوى كلها صحون بلاستيك !!!:30:
وياليتك ناديت اخياتك يا كافي هن وعييلهن ماهمب ضارينكم حتى لو البيت شقة الضيق في الانفس!!
وترى بناخذ معنا الصواني اللي ما لمست <<< موب توها قالت صحوب بلاستيك!!
ان اعجيكم الموضوع ولقيت عندكم جرأة في الاعتراف بالحقيقة ومعالجة الواقع كملت الجزء الثاني والا فالوجه من الوجه ابيض...
ام الخمائل @am_alkhmayl
كبيرة محررات
يلزم عليك تسجيل الدخول أولًا لكتابة تعليق.
عاد أنا سمي وموتي ذي الحركة ماأطيقها وأكره بعد اذا أهل الزوج
قعدوا يسبون أكل المطاعم والملابس الغالية واذا جا الدور على بنتهم
وراه ماجاب من المطعم وراك شارية كذا حريم أخوانه موب أحسن منك
فعلا الكيل بمكيالين مشكلة عندنا يالحريم وقوية جدا بس عاد الله يعفي عنا
قعدوا يسبون أكل المطاعم والملابس الغالية واذا جا الدور على بنتهم
وراه ماجاب من المطعم وراك شارية كذا حريم أخوانه موب أحسن منك
فعلا الكيل بمكيالين مشكلة عندنا يالحريم وقوية جدا بس عاد الله يعفي عنا
*لاميتا*
•
ههههههههههههههههههههههههههههههههه
والله انك صادقه
كلام صحيح وواقعي الله يعين بس
ياليت تكملين الجزء الثاني
والله انك صادقه
كلام صحيح وواقعي الله يعين بس
ياليت تكملين الجزء الثاني
الصفحة الأخيرة
الى متى ؟؟؟؟؟؟؟؟؟؟؟؟؟؟؟؟؟؟
موضوع رائع
يعطيك الف عافية