منتجات استــي لودر ...!

الســلام عليكم ورحمه الله وبركاتــه ..

خواتي العــزيزات حبيت أستشيركم بخصوص منتجات استي لودر ..
وهي غنيه عن التعريف ..طبعا ..

ابصراحه انا ما ودي فلوسي اتروح على الفاضي .. ومليت من كثر التجارب
بالاصح صرت فار تجارب بسبة الكريمات الي جربتها ..

أنا شفت دعايه عن بعض كريمات تجديد البشره واعاده النضاره اليها وبنفس الوقت اتشل البقع و اتصغر المسامات .. ومكتوب انه 74% من الي جربوه شافوا انه خلال 4 أسابيع حصلوا على نتايج تضاهي جلسه تقشير باحماض الفواكه خلال شهر ..

وطبعا كل حد احين ايخاف من سالفه التقشير بسبب أضراره المستقبليه ..

والله محتاره شو اجرب في بشرتي .. :icon33:
وخاصه الهالات السودا حول عيني .. قامت اتزيد كل ما اتقدم فيني الحمل وطبعا عقب الولادده بتزيد أكثر واكثر بسبب السهر ويا المولود ..
فأنا أبغي اتلاحق عمري قبل لا أبو الشباب يطفر من ويهي .. فديتــني والله . :(

أنا ودي الي امجربه اي شي من هالمنتجات اتفيدنا وتعطينا رايها بالمنتج الي جربته..


ما بطول عليكم وبانتـــــظار آراءكم..


أختكم بثيـــنه .. :angry: