باقي الصور
36820 الروج
36821 كريم الاساس
36822 عطر المسك (رشاش الجسم)
وردة صغيرة حزينة
يعطيك العافيه على تجاربك ...
ميك اب يادوووبه اوريك ..يدي على قلبي بجي وبشووف
يعطيك العافيه على تجاربك ...
ميك اب يادوووبه اوريك ..يدي على قلبي بجي وبشووف
الصفحة الأخيرة
اولا: كنت استخدم الكونسيلر الاصبع every day concealer بس مايجي الحين خلاص وقفوا الانتاج بس كان روعة ويناسب بشرتي الشديدة الدهنية والمليئة باثار الحبوب سواء البقع الحمراء او السوداء او البنفسجية!!!! :22: واستخدمته ايضا للهالات السودا الفضحة عندي والكل دايما يسالني عن اش كنت اش اسوي لاخفاء هالاتي..بس خسارة يوم وقفوه صرت مثل التايهة! كونسيلراتهم الجديدة جددا فاشلة.:09: ماحصلت البديل ولو وحدة تعرف بديل الله يجزاها خير تخبرني!
ثانيا:استخدم دهان اليدين بزيت اللوز اللي قالوا عنه الاخوات ..وهو فعلا يااخواتي فظيع ويوم خلص اشريت العلبة الثانية..وصار من الاشيا الثابتة عندي..وتجربتي معاه ان يديني كانت ناعمة بس فترة اهملتها وكنت استخدم مساحيق الغسيل والكلوركس في غسيل الملابس والصحون بدون مالبس قفاز..حتى صارت يديني مجعدة:( ..بس بعد ماستخدمت الكريم تحسنت وصااروو ناااعميييين..بصراحة انصحكم فيه:) ...
ثالثا: عطر المسك..كنت اتجنن عليه بس كرهته بعدين يذكرني بايام طفولتي يمكن وخاصة يوم كان ابوي يتعطر الجمعة:arb: وكنت هذيك الفترة بعيد عن البيت وادور اي شي يذكرني فيه!..بس بعدين مليت منه!!
رابعا: امم شو نسيييت!! اه لحظة اطالع فطاولة الزينة؟ اه ...ملمع الاظافر nail shiner بس مثل ماقالت عنه الاخت مشكلته يخرب بسرعة بس هو افضل الموجود فالسوق..وهو ايضا من الاشيا الثابته عندي لانه يعطي الاظافر لمعة رهييبة تخليكي تبي تطالعي في ايدك بدون الحاجة لطلاء الاظافر!
خامسا: فرشاة البلاشر,,بس انا استخدمها لنشر البودرة الحرة لانها كبيرة..وماشي حالها لاني ماجربت غيرها..
سادسا:جل الاستحمام passion fruit ريحتو فظييييييعة!!.بس مابشتري مرة ثانية لان ريحته ماتلصق يمكن لو اشتريت معاه مجموعة احسن!
سابعا: البودرة الحرة ,اللي معايا افتح درجة..تثبت نوعا ما بس مشكلتها اذا كثرتي شوية تظهر على طول انك حاطة بودرة..بودرة ريد ارث احلى منها بكثيير بس مشكلتها الوانها داكنة واجد لبشرتي..
ثامنا: اه تذكرت روج رقم 36 جددددا طبيعي ويصلح للدوام والجامعة..ايضا من الاشيا الثابتة وهذي رابع مرة اشتريه!
تاسعا: محدد ماعرف رقمه لانه خلص بس اسمه clover pink اييضا جدددا طبيعي ويصلح للدوام وعاشرا: الليفة الي شكل قفاز..عادية بس ماتخرب بسرعة مثل ليفات السوبر ماركت الرخيصة! وسهلة الاستخدام يعني توصل لاي مكان فالجسم بسهولة!
حادي عشر: اه كنت استخدم كريم اساس وبودرة معا ,,نااااعم ولونه حلووو فاتح بس مايل للاصفر يناسبني..بس مشكلته ان من مكوناته زيت المارولا وانا بشرتي دهنية وتارسة حبوب فما اشتريته مرة ثانية مع انه فعلا روعة وهذي صورتة وكانن بنات كثير يسالوني اش الاساس اللي استخدمه.,كنت استخدم رقم 4..
تعبت واختي الصغيرة تبا الكمبيوتر لو في شي ثاني باحطلكم اياه انشالله..على فكرة انا عضوة جديدة..وان شاءالله تستفيدوا مني مثل ما انا استفدت منكم:26:
36814 جل الاستحمام
36815 دهان اللوز
36816 ملمع الاظافر
36817 قفازات الاستحمام
36818 الكونسيلر