بعد موضوعي الاول ..
واخيرا حلمي اصبح واقع ( مجموعة عناية لفيسي الجميل ) بالصور
http://forum.hawaaworld.com/showthread.php?t=4016740
حبيت في هالموضوع اعرض منتجات نفعتني او ما نفعتني او قيد التجريب
نبدأ على بركة الله
صورة جماعيه
- اولاً .. غسول كلين اند كلير ( عميق المفعول )
طبعا الى الآن جربته مره وحده لان توي شاريته
من خلال التجربه هذي حسيته فعلا فعلا عميق المفعول
وانا اخذته من موضوع عابرة سبيل جزاها الله خير وعجبني
* ناوية استخدمه 3 مرات بالاسبوع *
سعره .. ما اذكر للاسف
- ثانياً .. ملح الحليب ( يوكو سبا )
رااااااائع للنعومه هو المقشر اللي فعلا احسه ينعم
مو مثل الجاهزه احسها ما تسنفر بشرة الجسم صح
طبعا ما استمريت عليه عشان اقول يفتح ولا لا
لكن من كم تجربه فعلا ينعم
سعره .. اتوقع 4
- ثالثاً .. كريم بالمرز ( بزبدة الكاكاو )
ثقيل حيييل حيل واثقل من فازلين بكثيرررر وكأنه زبده
فخلطته مع لوشن نيفيا الحجم الكبير ( بالخلاط ) عشان ينخلط زين
وترطيبه راااااائع
لوشن نيفيا لحاله ترطيبه جدا خفيف لكن بعد ما خلطت معاه بالمرز جدا رااائع
سعره .. ما اذكر
- رابعاً .. صابونة بيزلين ( للتفتيح )
ناسبتني جدا رااائعه وما تسبب ذاك الجفاف مثل باقي الصوابين
حسيتها تنقي الوجه وتساعد في منع الحبوب بس بشكل خفيف
استمريت عليها تقريبا 6 شهور
سعرها .. تقريبا 30 وفوق
- خامساً .. كريم سانت ايفز ( بالكولاجين )
ترطيبه جدا جدا رااائع للوجه يرطب وبقوه
انا سويت فيه كريم عميقه الليلي وفعلا يرطب
ما لاحظت تفتيح لاني ما استمريت
ولو استمريت يمكن الاحظ
سعره .. 28 او 18 ناسيه اي واحد فيهم
- سادساً .. كريم بودي شوب ( بزبدة الشيا) + غسول زيت شجرة الشاي
الكريم ترطيبه جميل وقوامه برضه وريحته جمييله وهادئه
الغسول لحد الان ما جربته * انا بشرتي دهنيه *
اخذت عينه صغيره للتجربه اذا نفعتني ان شاء الله اخذ المجموعه كامله
سعر الكريم ..25
الغسول .. 14
وبالاخير اتمنى استمتعتم بقراءة الموضوع والاهم تستفيدون باذن الله