منتجات رخيصة لكن استفتدتى منها فى البيت

انا بالنسبة لى الصابون السائل بتاع كافور 1 ب3ريال و75 هلله بيغسل كويس وعادى ومش بيأثر على ايدى وفى كمان احيانا اجيب ديتول كافور ارخص من العادى نفس الريحة للحمام والطماطم المعلبة الطائى كوينزى وغيرها ايام ما تبقى الطماطم غالية كويسة جدا فى كل انواع الطبخ ولو تلاحظوا اما الطماطم بتبقى غالية بالمول بتبقى خضراء واحيانا مبيضة ما تتاكلش يعنى انا احب اشتريها حمراء ما احبش اخليها بالمطبخ اما تستوى وعلى فكرة زوجى بيجيب اما يروح يصلى المغرب او العشاء من عند الجامع خضار وفاكهة ارخص من المول واحسن والدقيق من المكان اللى بيبيع التوابل ارخص كتير من المول الكيلو بريال ونص تقريبا معرفش هى مطحنة ولا اسمها اية لكل العجائن حتى الكيك ممتاز

لو افتكرت حاجة تانى حقولكم ياريت انتوا تشاركونا كمان

على فكرة انا بحب اوفر فى حاجات تنفع انك توفرى فيها وفى حاجات ما ينفعش ابدا انك توفرى فيها مثل الاجهزة الكهربائية اثاث البيت وحاجات تانية كتير يعنى انا مثلا اما اوفر فى الحاجات البسيطة دى اقدر اشترى الاغلى فى حاجات تانية مش اشترى كل حاجة غالية فهمين قصدى اية انا اشتريت كيتشن ايد من سنتين الامريكى العجانة ومحضرة الطعام زى مابيقولو ب5000 مصرى
ومرة االباستا ماشين الايطالى ب600 ريال ومرة حلة ضغط ب600 ريال وغيرها كل مرة اشترى حاجة باقى غسالة الاطباق نفسى اشتريها من هنا جوزى رافض قال لما ننزل مصر احسن السنة دى ان شاء الله انا بشالحاجات اللى اشتريتها عندى منها فى مصر وهنا نوعيات مختلفة بتاعة الجواز والاجهزة اللى بستخدمها جديدة لكن ارخص طبعا للاستخدام اليومى

واكيد حتظهر حاجات تانية افكر اشتريها الغالية اللى بقول كم عليها

حتى لعب الاطفال لغيتها بطلت اشتريها مهما كانت غالية عيالى يكسروها فى نفس اليوم واستبدلتها بحاجة تانية اغلى وحيحافظوا عليها اشتريت للولد والبنت تالبت وابنى الصغير بيلعب معاهم علية عندة سنتين ونص بفكر اجيبلة هو كمان ممكن اغير النوعية يعنى حشترى حاجة يستفيدوا منها مش ارميها بالزبالة