منتجات مستوردة بعد تجربتي الشخصيه لها نزلت لكم صورها واسعارها + موضوع متجدد

صباح / مساااء الخير على احلى ركن بالمنتدى

شوفوا ياحلوات هذي منتجات شريتها وقلت ماني منزلتها الا اذا شفت منها نتيجه مبهره
وبصراحه والله النتيجه قمممممة ماشاء الله هذي احلى منتجات استخدمتها

وجتني فكرة قلت ليش ما أخلي هالموضوع متجدد يعني كل المنتجات المستوردة اللي استخدمها وتعجبني بحط لكم صورتها وسعرها

كل ماشريت منتج جديد بنزل لكم صورته طبعاً بتكون الصور بالصفحات الثانية كل اللي عليكم تتابعون الموضوع واستفيدوا من اللي يناسبكم


هذي الصابونة من اشهر الصوابين في الدول الاوروبية وهي صابونة افريقية ومصنوعه بافريقيا
اسمها دودو - أوسن Dudu-Osun
صراحه كلمة روعه قليلة فيها تنظف وتحمي البشرة وتفتحها وكل مكوناتها من الطبيعه
سعرها 45 ريال
وهذي صورتها

IMG_1130kh


وهذا اشهر غسول طبي للوجه يستخدم في كوريا وصناعته كوريه
ترطيب ونعووووومة وتنظيف طبي للبشرة ويصلح بعد الميك اب ويزيل الرؤوس السوداء ويخلي البشرة كأنها بشرة بيبي
واسمه سمارت كلير - ديب كلينسينق اويل Smart Clear - Deep cleansing oil
من شركة SKIN79
سعره 190 ريال

وهذي صورته

IMG_1129kh


وهذا أفضل فاونديشن (أساس ويعالج بنفس الوقت يعني تتزين وبنفس الوقت زينتك مهتمه ببشرتك ) يستخدم في كوريا ومن شهرته وصل لدول أوروبا وصاروا كثير يفضلونه ومن مميزاته يزيل التجاعيد والخطوط - ويفتح لون البشرة تدريجيا ً مع الاستخدام - ويحمي من الاشعة الفوق بنفسجيه
واهم من هذا كله يعطي للبشرة لون ناتشورال وخالي من العيوب
واسمه BB CREAM طبعا من مجموعة بي بي الشهيرة من شركة SKIN79
وسعره 250 ريال

وهذي صورته

IMG_1131kh

وتأكدوا أي منتج مارح أنزله لكم الا بعد استخدامه فترة واذا شفت منه نتايج حلوه ومبهره بنزله واللي ماشفت منه شي مارح أذكره

وبإمكانكم أي منتج اشتريه وأحط صورته تبحثون عنه باليوتيوب وتشوفون كل شي عنه
طبعا ً أنا هنا أذكر لكم تجربتي الشخصيه
أنا مالي اي علاقة بهالشركات نهائياً ولا أشتري لأحد ولا أوصل لأحد
مجرد موضوع تستفيدون منه واللي حابه تاخذ مثله عندها موقع الامازون ومواقع كثير غيرهم تقدر تطلب منهم

تحياتي