منتجات نيفيا؟؟ وسؤال آخر

ياهدوله ياعيوني مساك الله بالخير
اولا ياعيوني منتجات نيفيا مادري انها طبيه ولاا لا لكن انا استخدم منها مزيل الماكياج العيون وصار لي معه سنتين وما شفت منه شي مضر
ومنجات كلين اند كلير اموت فيها وبالذات غسول الوجه ترا فيه منها اشكال والوان وكلهم والحمد لله منتجات هاديه علي البشره وغير قويه
وهذا اللي عندي

هلا هدولة البحرين..
شوفي عيوني منتجات نيفيا وكلين اند كلير تعتبر منتجات تجميليه وليست طبيه ولكن هذا لايعني انها منتجات سيئه بل العكس انا جربت عده مستحضرات وناسبتني..
اما المنتجات الطبيه فتجديها عاده في الصيدليات مثل منتجات سيباميد ونيتروجينا وغيرها....
بالنسبه لكريم الليل والكريم المغذي فهو مفيد للبشره الجافه ليحافظ على رطوبتها وطراوتها وكذلك العاديه ولكن بشرط ان تختاري النوعيه الخفيفه منها اي التي تكون بشكل لوشن وليس كريم لان الكريم ثقيل ويناسب البشره الجافه..
اما البشره الدهنيه فيفضل اختيار كريم خفيف وخالي من الزيوت للنهار وللحمايه من الشمس ..
اتمنى اكون افدتك حبوبه..
واي سؤال انا حاظره عيوني لاتستحين:27:..
تحياتي...

السلام عليكم
يا هدولة يا أمورة
انا فعلا لما اظطريت اروح السوق لحالي
علشان اشتري مكياج وكريما ت من غير ما يساعدني احد
قلت اخذ نيفيا لانها طبية
وحتى لو انها مو طبية بس على الاقل مو تقليد !


بس فيها اغراض عجبتني
واغراض لا
اللي عجبني فيها كريم الليل للبياض "نيفيا فير "
واحلى مافيه انه غير دهني لدرجة اني استعمله قبل الاساس
مو مثل كريم النهار دهني بالمرة
بس كنت احطه على
البقع علشان يفتحها


وكمان اخذت اساس غير دهني matوحلو وما عندي اي مشاكل معه
اما اححححححححححلى شئ واللي ما اقدر استغنى عنه

فهو البلاشر فعلا رووووووووعة
ويعطيكي لون طبيعي حتى لو كثرتي منه ما يطلع شكلك مثل المهرج
وانا احط منه حتى على عيوني وفيه لمعة خفيفة
وعندهم روج لونه بالمرة ناااااااعم لونه rose saten"

اما الاشياء اللي ما عجبتني الماسكرة ضد الماء
بعد فترة تسيح وتعذبك في التنظيف
وووووووش بعد


ايه الظلال الوانها طبيعية بس ما تثبت
والكحل اللي ما ينبرى يبهت

اتمنى اكون افدتك