منتجع الهوليدي ان وبيع شيشه للمراهقين بدون علمهم

السلام عليكم ورحمه الله وبركاته
ياخواتي والله كتبت الموضوع من قهري وعشان تنتبهون على عيالكم في اي مكان
انا دايما اسكن ها المنتجع وقعدت فتره سنه ماجيته تقريبا ولما جيت تغير فيه اشياء البنات كاشفات والبعض بدون عبايات ولابسين شورتات وكبار وووو والله يهديهم مالقو من يردعهم
المهم موضوعي عن المقهى المفتوح اللي على البحر كنت انا ووحده من معرفي رايحين ومعنا اولادنا واحد 15 والثاني 16 والمنتجع كبير وماخذين شاليه بعيد عن القهوه وازعاجها لان لاحظت يبيعون الشيشه وتقززت والكل يشرب قدام الجميع المهم بالليل العيال راحو يتمشون بنفس المنتجع وجلسنا يومين فيها لان مايجبسون معنا لان انا وزميلتي نتغطى عن العيال لانهم بلغو
وبعد مارجعنا بفتره فتحت جوال ولدي ولقيت لهم تصوير بالمنتجع يشربون الشيشه انجنيت العيال حتى الدخان مايعرفونه ولا راعيين خرابيط ومن البيت للمسجد ووو
طبعا ماتعامل مع الضرب انا ابدااا فواجهته واعترف وقعد يبيكي والولد لاحظت عليه يكح واثاريه من اثر الشيشه يومين يشربونها ماندري ولا هو اهمال منا لاكن الخسيس صاحب الشيشه كيف باعهم وكان الوقت متاخر الساعه11 تقريبا وماكان فيه احد في الجلسات لما اعترف لي حسبي الله عليهم همهم الفلوس ماهمهم صحت عيالنا صغار مراهقين انا اعرف ان البقلات حتى الدخان ماتبيعه للمراهقين هذا كيف يبيع شيشه لابو 15 سنه كيف بدون مايكون مع احد الله لايوفقهم
ورحت للمنتجع بعد العيد رفع شكوى عندهم على العامل ورحت غسلت شراعه وسجلت كلامنا واعترافه الخسيس وقالي اسبوعين ونكلمك واللحين لي شهر ونص محد دق
وقلت لافضحهم واحذركم منهم المنتجع صار زفت سابقااا كان انظف من كذا
لاكن الله لايسامحهم بغو يضيعون عيالنا