منتظرة و الامل بالله وباقي الاخوات .... ساعدوني

ختي مشكله تحير بس قبل كل شي هل الي قالت لك انها حلمانه حرمه ثقه ولا اعوذ بالله ودها بالفتنه بين الحرمتين وهل سبق وان سوت سالفه لحد من هذا النوع او انها انسانه تخاف الله وصادقها ولا لها مصلحه من الفتنه
بعدين حبيبتي مو كل حلم يكون صادق ومعناه اكيد ولا كل مفسر يصدق ياما وياما حلمنا ولاحظي الموظوع فيه شرف وفيه رمي محصنه والحذر الحذر من الوقوع في هذا النار الله سبحانه وتعالى حرمه وذكره في كتابه ولعن المتسبب بالشي هذا
انا من رايي تستغفر الله وتهدي بالها ولا كنها سمعت شي لان الوضع كله على بعضه مافي له دليل واقع وبعدين موقف اختك جدا حساس لو قالت ولا تكلمت راح يكره زوجها فيها وانها تبي تدخل الشك في قلبه بس من الغيره من زوجته الجديده
تتوكل على الله وتسكت واذا لاقدر الله وطلع الكلام صحيح مصيره بيعرف بروحه واكيد ماتزوج الا بعد السؤال عن البنت واهلها واخلاقها

لاتقول شى لزوجها لانه اولا ماراح يصدقها
ثانيا مجرد حلم !! ممكن مايصير تاخذ ذنب الحرمه

وانا انصح اختك انها ماتسمع كلام الحريم لان بعضهم يحبون الفتنه وخصوصا بين الجارات ..
اوقفو جنب اختك وذكروها بجزاء الصابرين المؤمنين بقضاء الله وقدره خيره وشره..

والله يوفقها ..

..

.

انا اشوف انها تدعي بقلب صادق اذا فيها خير يصبرها عليها واذا فيها شر يصرفه عنها وعن زوجها وعيالها وتصفي نيتها

انا اقول لاتتدخل فيما لايعنيها حتى متحصصل اللى مايرضيها حنا حريم وانعرف وشلون تفكر الحريم ان كانت صادقه تدعي ان كان فيها خير لزوجها تخليها له وان كان فيها شر عليه تصرفه عنهاوتصرفها عنه .مصيره بيدري ويحس ان كان هناك شئ لاقدر الله بس لاتجي منك احسن لك وسامحيني لو قسيت عليك انا قصدي مصلحتك لانك استشرتينا وشكرا

يااااااااااااااااااااااااااااااااااااااااالبيه
ابشري والله بسعدك وابشري بالنصيحة الي ان شا الله تسعد اختك دنيا واخر لكن لا تزعلين من كلامي
اولا ياعذيب لابد انتي وهالبنت تفكرون بعقل لو كنتي مكان ضرة اختك واحد قال عنك كذا وانتي مظلومة وش بتسوين
اقل شي بتسوينه انك تقولين حسبي الله ونعم الوكيل
طيب هل الكلمة هذي هذي بسيطة
هذي الكلمة معناها فوضت امرها لله ياخذ حقها من الي ظلمها صح
ثاني شي من متى حنا يالمسلمين نخلي احلامنا او شكوكنا تتحكم في تصرفاتنا

(ياايها الذين امنواان جاءكم فاسق بنبأ فتبينوا ان تصيبوا قوما بجهالة فتصبحوا على ما فعلتم نادمين)

الندم متى يكون يكون بالدنيا عندما تكتشف الحقيقة وبالاخرة عندما يؤخذ الجزاء والعقاب
ثالث شي الضرة مرة صح لكن انتي واختك لا لا تجلسين تفتضفضين عند كل من هب ودب فيها ترا الناس والله مابيسوون شي غير يزيدون في النار حطب ويقهرون اختك على مافيها من قهر
اختي عذيب يشهد الله اني اكتب لك في هذي اللحظة وانا ابي مصلحتك ومصلحة اختك
ترا ضرة اختك مسلمة ويحرم دمها وعرضها وحسابها على الله عزوجل
اسمعي مني
ابي منك تقولين للبنت هذي ولك انتي افتحوا المصحف واقرؤ سورة النور وافهمي معناها
والله هذي السورة فيها ايات عظيمة وخاصة قصة الافك
يابنات صح حنا يالضراير مقهورات لكن مانتجراء ونتهم احد بشي على حسب حلم او شك وترا تفسير الحلم يختلف من مفسر لاخر
انا اقلك على حلم حلمته قبل سنة تقريبا
حلمت ان عقرب لسعتني في اصبع رجلي ونزل دم كثير كلمت شيخ قال هذي عدةو انتبهي منها لكن ماراح تأثر عليك لانك ماحسيتي الم
كلمت شيخ ثاني وقال هذا رزق بعد تعب بيجيك
والله يابنات انا كنت اأيد تفسير الشيخ الاول لانه متعارف ان العقرب عدو لكن الي حصل تفسير الشيخ الثاني
اختي عذيب
خلي اختك تبعد عن نفسها الشبهه ولا لها دخل بزوجة زوجها وزوجها اذا هي طيبة بتبان والايام والليالي طوال واذا هي بطالة بتبان والايام والليالي طوال
والمثل يقول ابعد عن الشر وغنيله
اخيرا تبين اختك ترتاح مع ضرتها طبقي ماقلته لك بالرسالة الخاصة وبتشوفين النتيجة

اتقوا الله يابنات في اعراض المسلمات ومن يتقي الله يجعل له من كل هم فرجا ومن كل يق مخرجا ويرزقه من حيث لا يحتسب
واسفة علة الاطالة
واحسبوا الف حساب من دعوة المظلوم وكلمة حسبي الله ونعم الوكيل