السلام عليكم ورحمة الله وبركاته
تخيلي انك لك اسبوع تفكرين وتخططين بهدية لابو الشباب
ومتحممممممممسه ومحوشة لك مبلغ وقدره
وتفكرين وش ناقصه ووش اجيب له ساعه لالا عطر لالا قلم ولين ماترسين على هدية
وتوصين عليها مع اخوك ويجيبها لك وتغلفينها عند محل تغليف هدايا احلا تغليف
وشرايط ودلع
ويجي بعدها تفكرين كيف اقدمها له احطها تحت بطانيته ولا مخدته ولا احطها له بالسياره او .. او...
المهم وتقررين انك تسوين له مفاجئه لما يدخل ينام يشوفها
وتحطين الهدية ع الكومدينه حقته وشموع مولعتها وورد احمر منثره ورقاتها وجنبها البطاقة ومشغله النجف عشان يشوفها
ومستنيته يجي عشان يدخل ويتفاجأ
ويدخل زوجك غرفة النوم وتستنين يخرج ويعبر لك عن شعوره بالهدية
وتنتظرين وتنتظرين وتنتظرين ومايخرج
تدخلين الغرفه تلاقينه متلحف كله بينام خلاص والهدية مكانها ومطفي الشموع
هذا كله صار معايا اليوم
دخلت الغرفه وشفته متغطي وبينام ومطفي الانوار
فتحت اللمبة ومن قهري قلت له وهذا الشي اللي جنبك من له ؟
طالع فيااا قال اشبك قلت هاللي ع الطاوله لمين ؟
وليش مافتحتها قال يعني لازم افتحها اليوم !
لما قال كذا انصدمت لاني قلت يمكن مانتبه لها او عباله انها مو له بس صدمني لما قال لازم الحين افتحها يعني !
بصراحه كلمته جرحتني وعلى طول دموعي بتنزل ومابغا ابكي قدامه احبطننننننني
قلت لاخلاص مو لازم تفتحها نوم العوافي وجيت بطلع واسكر الباب الا يناديني تعالي تعالي
قلت نعم بروح اكوي عندي شغل
قال تعالي اشبك واقفه ادخلي ومسك الهدية ويرجها ويخمن بعد وش طيب وش ينقصك لو جاملت من اول بدل ماتكسر قلبي منتظرتك على احر من الجمررر ابفرحك وكسرت نفسي
وبعدين قال ليش الكلافه ع التغليف قصده
قلت وش كلافته قال ليش ماعطيتيني هيا كذا بيدي بدون تغليف احسن <<تحطيم ثاني
وبعدين لما فتح ها وشافها شكرني وجلس يمدح فيها شكله حس اني تضايقت
بس قلت له ماله داعي تشكرني وخرجت من الغرفه وتركته ينام وانا رحت ابكي
مدري ليش احس اني مقهوره منه مره احبطني
لو انتو مكاني بتنقهرون ولا انا كبرتهااا
وعلى فكرة الهدية مغلفه مو باين وشفيها جوووااا
ودي الومه بكره على حركته وبنفس الوقت مابغا افتح معه الموضوع
وحيده~ @ohydh_8
عضوة نشيطة
يلزم عليك تسجيل الدخول أولًا لكتابة تعليق.
دانتيــــل
•
بصراااحه قهرر
يابنت الحلال وسعي صدرك
الرجال ترا اجناس وطبايعهم تختلف
الله يسخره لك ويسعدك
من رايي مره ثانيه وفري فلوسك واشتري لروحك هديه اخسن هههههه:p
الرجال ترا اجناس وطبايعهم تختلف
الله يسخره لك ويسعدك
من رايي مره ثانيه وفري فلوسك واشتري لروحك هديه اخسن هههههه:p
ام لووسي
•
الله يصلحه ويسخره لك ويجيب لك هدايا الدنيا بس لاتزعلين وصدقيني ماراح تروح من بااااله وقولي ام لووسي ماقالت
يابنت الحلال وسعي صدرك الرجال ترا اجناس وطبايعهم تختلف الله يسخره لك ويسعدك من رايي مره ثانيه وفري فلوسك واشتري لروحك هديه اخسن هههههه:pيابنت الحلال وسعي صدرك الرجال ترا اجناس وطبايعهم تختلف الله يسخره لك ويسعدك من...
الصفحة الأخيرة