الأثـــيــر @alathyr_12
عضوة جديدة
منتهى النرفزة شوركم يا حوائيات
السلام عليكم و رحمة الله و بركاته
خواتي بدخل في الموضوع بسرعة و بدون مقدمات و لا تنسيق كلام لأني واصلة حدي من النرفزة و العصبية من موقف حصل معي عصر اليوم , المهم ياطويلات العمر اليوم في العصر جالسين أنا و زوجي و عيالي نتقهوى و مبسوطين و شوي و يدق تلفوني الثابت و رديت , طلعت وحدة أنا بصراحة ما أعرفها , المهم سألتني : من أنتي ؟
قلت لها أنت متصلة موب أنا , فالمفروض أنت تعلميني من أنتي .
الحاصل إن الأخت هذه الله يهديها أصرت تعرف من أنا بحجة إن رقمي مزعج رقم جوال عندهم في البيت و ماهيه راضية تقول جوال من في بيتها .
طبعا تلفون البيت عندي ما أحد يستخدمه غيري أبدااااا لازوجي و لا أولادي و لا حتى الشغالة و تراني ما قلت كذا إلا و أنا واثقة من كلامي .
الحاصل إن هذه الأخت مصررررة على كلامها و العجيب في الموضوع أنها قامت تسأل : إنتي فلانة و لا فلانة و لا فلانة و طبعا كل اللي قالتهم أنا اعرفهم و من قرايبي , لكنهم ماهم ساكنين جنبي و لا حتى يستخدمون تلفوني أبدا .
المهم قفلت كذا مرة و هي تتصل تبغى تعرفني , الحاصل إنها نرفزتني عالأخر و حتى زوجي تنرفز منها , المهم في النهاية قلت لها من أنا و هي قالت لي من هي , طلعت أعرفها من بعيد .
من نرفزتي منها قفلت الخط و أنهيت المكالمة , طبعا الأخت قامت تتصل من جديد , و تلمح إن إحنا نتصل على جوال في بيتها أكيد قصدها جوال زوجها بالرغم من إنها عرفتني و تعرف إن أنا ماني حقت الحركات هذه . طبعا أخر مرة قلت لها ما بيني و بينك أي تفاهم راح أخلي زوجي يتفاهم مع زوجك و يشوف وش السالفة و طبعا اليد اللي ما تسرق ما تخاف من القطع و قفلت الخط في وجهها .
أخر اتصال لها خليت زوجي يردعليها طبعا قامت قفلت الخط .
زوجي مصررر يكلم زوجها و يشوف أيش السالفة علشان ما عاد يزعجون الناس , أنا قلت لزوجي يطول باله أخاف إن زوجها يتصرف معها بعنف لكنه مصررر عالأخر.
أخواتي أيش رايكم في اللي حصل و لو أنكم في مكاني أو مكان زو جي أيش بتسون ؟!
27
2K
يلزم عليك تسجيل الدخول أولًا لكتابة تعليق.
( بنت الجود )
•
يؤيؤؤؤؤؤؤ عجيب
الصفحة الأخيرة