منتي قوية,ماعندك خطط وحنكه؟ تستاهلين الي يجيك

صباح / مساء الخير




كيف الصحه ؟




برد الجو عندكو؟


تصدقون رغم اني بقارة اخرى لكن للان احس الجو مش ع المزاج ، فيه حراره وكتمه حبتين ..


لو اني بديرتي مداني اعيش احلى لحظات بأحلى جو ، فعلاً ديرتي جوها ممتع لذذييذ بالشتاء خاصة مع الشاي العدني .. :icon32:




المهم




لفت نظري حولي وهنا بنات يشتكوون من الناس الي حولهم مثلاً ( مايقدرونهم) ( يستقوون عليهم) ( كيد نسا عيني عينك!) والأهم مشاكل الزوج وثقالة دمه التي لا تطاق بتاتاً البته..


والله كنت بسرد موضوع بقسم الميك اب << و اخيراً ، لان اكتشفت حاقه قميلة آآآوي لكم .. قد تكون متعارفه من قبل لكن مانُشرت بالمفهوم الصحيح والله اعلم :dozey:


لكن لقيت هنا بنات كاتبين مواضيع بكل خوف ، وحيره ، وقهر ..


ماهان علي والله .. مع ان مو واجبي ولا تخصصي . ( لكن تفاجأت مفاهيم اساسيه البنات مضيعين فيهم وموب حاطين لها اعتبار). وهي ( تقديم النفس اولاً)




تقديم النفس..


انتشرت خلال فترة نمونا يمكن جيل التسعينات والثمانينات والسبعينات .. ظاهرة سيئه وهي ظاهرة ( الكارتون ذو القصه الدرامية ) فعلاً ماامزح .. تربينا على مشاهدة دموع سالي وريمي وليدي الخ .. انرسخ ببالنا ان الطيب لازم يضحي ويكون طيب ويصبر ، وبالنهاية فيه حفلة كبيرة او تتزوج المسكينه من الفتى النبيل .. :27::arb:






كلو كلام بالهوااا .. :mad:




مافيه حاجه كذا ياحلوات بالحياة الحقيقيه .. :30:


انتي طيبه ، تسكتين عن حقوقك ، او وحدة فشلتك قدام الحريم وسكتي لها .. تستاهلين الي يصيرلك اجل ..


حتى بجيل امهاتنا والي قبل .. نلاقي البعض منهم حليل وطيب ويصبر ع الضيم والهم وقتل الحقوق !! ليش !!


لا تجي وحدة تقول امي صبرت وذاقت الامرين لكن الله عوضها ! انا معاك الله بيعوض المظلوم سواء بالدنيا او الاخره .. لكن هل هالشي مبرر للضعف ! او هل انتي واثقه ان لما الناس بتظلمك مابتاكل حقوقك ويضيعون عليك فرص السعادة والنجاح ( فرص الحياة) !!!؟ لمتى الصبر على الظلم من الناس سواء بالقول او الفعل ؟ :unsure:






انتي انسانه وراك اولادك ، زوجك ، او حتى اهلك .. صحباتك ، محيطك ..


ليش تستهينين بالمحافظه عليهم من تعب نفسيتك وضعفك ؟
حافظي عليهم بمحافظتك على نفسك من كيد النسا والرجال بعد ..


السكوت مانعتبره صبر ، نعتبره جبن منك ..


مع العلم .. السكوت والكلام وردت الفعل عموماً امر لابد تكونين ذكيه فيه .


يعني تعرفين متى تردين ومتى تحقرين وتطنشين .. متى تعطين الوحده على راسها حتى تتأدب ..


انا مع اعطاء الغير مؤدبين ع الراس ، ضربة الراس ياهي مهمه بشكل! :30:


حتى الزوج ، اعطاءه ضربه على راسه ممكن يبين مفعولها بنفس الليله .. لووول :S_45:


الزوج ومحيطك الي تبين تحافظين عليه لابد تكونين خبيره فيهم .. مثلاً الزوج جارحك بكلمه .. داويها بالتي كانت هي الداء .. اجرحيه بعد بنفس مستوى ماجرحك فيه ( طبعاً هالاسلوب حسب نمط زوج كل وحده ارجوكم لحد يجيب العيد )



المشاكل اليومية بين المتزوجين او الي كبرت مشاكلهم السخيفه وصارت لا تطاق .. هالامر طبيعي ..


اذا كتبتي موضوع هنا عن ان زوجك مايقدرك ومايفهمك الخ .. ووحده قالت تطلقي ! روحي عضيها .. :30:



ليش ؟



لأن احنا بمجتمع الاغلب يتزوج وهو مايعرف الثاني ، ( ممكن فترة الملكة البنت تعرف الولد ومايعجبها وتكتشف امور ماتناسبها او بلاوي وتنفذ بجلدها وهالامر من حسن حظها) .




فمرات .. تتزوج الوحده وتنصدم وتظن غلطت بهالزواج ، هالامر مرات مو صحيح .. احتمال زوجك شخص طيب لو عرفتي مفتاحه .. احتمال شخص جذاب وحنون وذكي لو عرفتي الاسلوب الصح معاه ..


حريم من سنين متزوجات وللان للاسف ماتعرف مفتاح زوجها او ماعطته الاسلوب الصح .. الي ماتعرف كيفية التعامل مع الزوج احنا مانبخس بحقك او بعطاءك ابداً ، لكن مجرد نبيك ترتاحين وتنبسطين بحياتك فخليك واعية لهالشي ولا تستهينين فيه ..


مرات كلمة ، نظرة ، اسلوب غير ، او حتى تطنيش ممكن يخلي زوجك بجانبك وتحت امرك . ( معرفة مفتاح وسر كل شخص فعلاً كنز ومن اذكى الامور )



الزوجة لازم تعرف ان التنازلات بالزواج مو يعني تتنازل عن حقوقها او تستهين بنفسها ! التنازل يعني تطويل البال حتى تضبط امورك وتحصلين على الي تبين بحياتك( تطبخين ع نار هاديه)..

غير كذا تصبرين مااشجع الامر الا اذا محتاجه من يعيل ، وعشان الاطفال .. او لظروف تستدعي فعلاً..




الزواج شراكه .. كنك داخله شركه وتبين تنمينها وتخلين الموظفين راضين ومبسوطين .. يبغاله ذكاء وحنكه وحسن تدبير ، وقوة شخصية هذا الاهم .



( انتبهو قوة الشخصية ايضاً يبيلها ذكاء ، القوة يعني بالتدبير ، بالاقوال وردات الفعل .. مو بالتكسير والصراخ .. بالنهاية وبهالزمن ان كنتي فاهمه قوة الشخصية غلط بيشوفونك الناس وزوجك وحش كاسر او مجنونه وماعليهم شرهه اذا تمنذلو عليك ) فانتبهي رجاءاً وفرقي .


بهالحياة نبي امور كثيرة وبالساهل ، اغلب المتزوجات الي حياتهم الزوجية غير مستقره او مليانه خلافات تافه ادري تطالع بغيرها من المتزوجات وان كيف حياتهم سهله وزوجها رايق ماعنده عقد الي عندها ..



همسه لها :
ترا انتي تعانين ، لكن مرات زوجك يعاني بعد .. محد يحب ينكد على نفسه وعلى شخص عايش معاه طول الوقت الا اذا عنده حياة اخرى ينبسط فيها! ومااتوقع الاغلب كذا ابدا .. الامر مجرد عدم تفاهم ..


دامك دخلتي بهالزواج وعندك اطفال معناتك مجبرة وبقوة تكونين اقوى وتتحملين وتدورين الطرق الذكيه لتحسين علاقتك بزوجك .. اقول هالكلام مو عشان عيالك او الناس ، بل عشان نفسك .. لان الخروج من الزواج المتعب بالاستسلام بيكون ضعف منك .. حاولي بجميع الطرق ( طبعاً المحاولات مع الازواج الي مشاكلهم عصبيه وعدم تقدير او تفاهم) موب ( الي يشرب ، مخدرات وغيره)


وتذكري ان بقاءك بزواجك وانتي (بين البينين) امر سيء سيء سيء .


لابد تحددين وتبنين خططك وقوتك حسب هدفك ، عندك خيارين ثالثهم دمار لك .


١- تبقين بالزواج وانتي قوية وناويه تكون اعصابك بتلاجه وتحرصين على انتقاء الخطط الناجحه عشان تتوفقين مع زوجك.


٢- تنهين العلاقه وتتطلقين .


٣- تبقين بارادتك معاه ضعيفه ماببالك خطط ، فقدتي الامل ، عايشه معاه عشان عيالك او المجتمع او او .. ( هالخيار يأخذ من عمرك وروحك)




دامك عايشه معاه استغلي الوقت بابسط الافكار حتى تزيد الالفه بينكم او تجذبينه .




يطول الكلام بهالنقاط الي تنبني عليها نفسيات بشر داخل بيت واحد ، لكن الاساسيات مهمه فاحرصي عليها .






موفقين ..