موضوع حلو
كيف ازيد من ثقتي بنفسي ؟
اول شي يابنات الله يسعدكم ماابي احد ينقل الموضوع لأي منتدى ولا احلل اللي ينقلونه لاني تعبت عليه وكلله من كلامي ومن تجاربي يعني ماجبت شي من برى فرجاء ماله داعي ينقل الموضوع بإسم عضوة اخرى
طبعا كلنا عارفين ان الثقة بالنفس هي النقطة الاولى لبداية التغير وان اي شي او صفة حلوووة موجوده فيك ماراح تظهر بشكلها الصحيح امام الناس الا اذا زدتي ثقتك بنفسك وخليتي الكل يلاحظ هالشي فيك ,, بكذا تكونين قدرتي توصلين للي حولك احدى صفاتك الجميله واللي تمنين الكل يعرفها بشي بسيط جدا
وهو < ابراز ثقتك بنفسك > يعني حاولي قد ماتقدرين تكونين وااثقه من كل شي تسوينه ولا تفكرين وش ممكن قاعده تقول عني هذي والا ليه وانا اكلمها تطالع فيني بها الطريقه ؟؟ لا حبيبتي هذا اسمه وسواااس
ولو كنتي واثقه من نفسك ماكان خطر على بالك هالاسئله
بالعكس خلونا نعزز الجوانب الحلوة فينا وعلى اساسها نبني ثقه حلوة داخلنا
مثال :
كل وحده تجيب لها ورقة وقلم وتكتب فيها مايلي
اولا : المظهر الخارجي
وتكتب تحتها
كم شخص قد مدح شعري وقال شعرك جميل يافلانة ؟
كم شخص قال نوعية شعرك حلوة بدون استشوار ؟
كم شخص قال تعجبني كثافة شعرك ؟
كم شخص قال حلوووة عليك الصبغة ؟
كم شخص قال شكلك حلو لما تستشورين شعرك ؟
او شكلك حلو لما تسوين هالتسريحه < طبعا اي تسريحه معينه قد سويتيها وجاك اطراء عليها >
كم شخص قد قال لي نفسي يسير شعري زي شعرك ؟
كم شخص قد قال لي لو ان طبيعة شعري مثل شعرك ماعاد استشور شعري ؟
كم شخص قد قال لي شعرك مطلع لك شكل حلووو ؟
ـــــــــ
خلصنا من الشعر نجي للنقطة الثانيه في المظهر وهي
البشرة !!
كم شخص قد قال لي بشرتك جميلة ؟
كم شخص قد سألني وش سر صفاء بشرتك ؟
كم شخص قد قال لي ماشاء الله بشرتك مافيها حبوب ؟
كم شخص قد قال لي لون بشرتك حلو ,, سمارك يعجبني ,, لونك جذاب ؟
كم شخص قد قال لي ودي اسير نفس لونك ؟
ـــــــــــ
الجسم
كم شخص قد قال لي جسمك جمييييل؟
كم شخص قد قال لي رسمة جسمك حلوة ؟
كم شخص قد قال لي ودي يسير جسمي مثل جسمك ؟
كم شخص قد قال لي جسمك مطلع لك هيئة خطيرة ؟
كم شخص قد قال لي جسمك مثل جسم الفنانة الفلانيه
< طبعا اقصد فنانة جسمها جميل >
ـــــــــــ
الملامح *_*
كم شخص قد قال لي ملامحك حلووووة ؟
كم شخص قد قال لي ملامحك جذابة ؟
كم شخص قد قال لي انتي بشوشة ؟
كم شخص قد قال لي انتي مررره مملوحة ؟
كم شخص قد قال لي عيونك جميلة ؟
كم شخص قد قال لي رموشك حلوة ماشاء الله ؟
كم شخص قد قال لي انفك حلووو ؟
كم شخص قد قال لي اسنانك حلوووة ؟
كم شخص قد قال لي ابي اسناني مثل اسنانك ؟
كم شخص قد قال لي فمك جميل ؟
كم شخص قد قال لي خدودك حلوة ؟
كم شخص قد قال لي ابتسامتك حلوووة وملفته ؟
كم شخص قد قال لي ماشاء الله حواجبك مرسومه ؟
كم شخص قد قال لي شكلك بدون مكياج اجمل من شكلك بالمكياج ؟
كم شخص قد قال لي عيونك بدون كحل وماسكرا راائعة ؟
كم شخص قد قال لي انتي ملكة جماااال ؟
ــــــــــــــــــــــ
خلصنا من المظهر الخارجي من شعر وبشرة وجسم وملامح
طبعا الكلام اللي كتبته فوق اخليه دااائما موجود بدفتر او ورقه او حتى باللاب توب المهم اني كل مافتحته اقرى الاسئله واجيب عليها واجيب على السلبيات يعني مثلا
بعد مااجاوب اكتب تحت الاجابة كم شخص انتقد فيني هالشي ؟؟
واكتب اسمه وبعد مااخلص احسب النتائج واشوف الفرق
لو كانت النتيجة مرضيه شي طبيعي ثقتي بنفسي بتزيد للأفضل وخصوصا مع الاشخاص اللي مدحوني وهذا الشي اللي نبي نوصل له من اول
اما بالنسبة للأشخاص اللي انتقدوني فالاجابه عليهم سهله جدا
وهي اننا نتحاشى الجلوس معهم وان جلسنا وتكلموا فينا على طووول اتذكر النتائج واعرف ان الغالبية مدحوني وبكذا ماراح اعطيها اهتمام لأن المدح هو اللي غلب ع الذم وفي كلى الحالتين كل واحد له نظرته وذوقه بس اللي ابغى اوصل له اني ازيد ثقتي بنفسي على قدر الاجابااات اللي ارضتني عشان اكون راضيه عن نفسي وواثقه اني انسانة فيها مواصفات يتمنون اللي حولها تكون موجوده فيهم
(( اهم شي اكون انا راضيه عن نفسي من داخل وهذي اهم نقطة ))
برضوا
(( كلما وقفت عند المرايه امدح كللل شي في مظهري الشخصي لأنها تتأثر سبحان الله وكل مامدحناها كل ما اصبحت جميله في عيننا وفي عين الناس وهذا هو المطلوب ))
وترى هذا شي حقيقي وتراه يصلح بعد للي مايعجبها جسمها مثلا او عينها او انفها
توقف عند المرايه وتبتسم برضى وتقووول :
ماشاء الله لا قوة الا بالله جسمي حلو ولما انحف بيكون احلى واجمممممممل
ماشاء الله لا قوة الا بالله عيوني حلوة الحمد لله ماني عميا والا مشوهه منها والدليل لا حطيت عليها ميك اب يبرز جمالها
ـــــ
بنات من جد الطريقة راااائعه رااائعه
اوقفي عند المراية وامدحي بنفسك الين تملين
خااااطبي ملامحك قولي انتي جميله يااسناني >> لا تحسبوني مجنونه ترى السالفه صدق
حسسي نفسك انك وحده راضيه عن نفسها وامدحي كل شي فيك وربي تتغيرين من غير ماتحسين بنفسك
بس اهم شي خلي روحك حلووووة وابعدي عن الزعل اللي ماله داعي والهموم اللي ماوراها الا وجع الراس
وعيشي لنفسك
وكل مااكثرتي الاطراء على نفسك راح تلاحظين ان اللي حولك بدأوا يطرونك لان الناس ينظرون لك مثل ماتنظرين لنفسك
شفتي نفسك دوباا وجسمك يخرع !! الناس بتشوفك كذا ,,
شفتي شكلك وععع بدون ميك اب ومايصلح تطلعين الا ووجهك كأنه وجه مهرج في جميع الاوقات !!
الناس بتقول اكيد انها موو حلوة بدون ميك اب او فيها شي مشوهها عشان ذا ماقد طلعت الا بمكياج
واذا صار العكس
وقلتي في نفسك انا حلوووة ومايحتاج اكثر ميك اب ابي الناس اليوم تشوفني على طبيعتي
صدقيني بتجيك وحده وتقول
ماشاء الله شكلك اليوم حلو لانك مو حاطة مكياج
ـــــــــــــ
وانتي جربي وقيسي بنفسك
تعبت من الكتابة بس مابي الموضوع يطير ورى
ترى ماكتبته الا لهدف وابي الكل يتغير من جد وانا اولكم
وكل وحده تجرب وتكتب لنا تجربتها هنا واذا شفت تفاعل راح اكمل لان الموضوع لسا ماانتهى بالنسبة لي
معليش الموضوع ملخبط :35:
يناضرون ويسكتون