منحرجة من زوجي 💔

السلام عليكم
كيفكم حبايبي؟
بصراحة عندي مشكلة محرجتني شويات
انا اعاني من مرض روحي والحمدالله متأقلمة مع الوضع ومفوضة أمري لربي وقوية احاول المرض م يكسرني
دايم مرييضة بس المشكلة له فترة زادت عندي من فترة مو قليلة صرت كل يوم عندي مرض
اول كنت اتعب بس بين فترات متقاربة تقريبا اسبوعيا بس الحين لا والله ماابالغ لما اقلكم اني اطيب اليوم من المرض بكرة يمسكني مرض ثاني وهكذا ..ع طول
اليوم عندي خراج بكرة التهاب بالكلى بعده نزيف والتهاب اقوى درجة بالبواسير بعده التهاب وتهيج بالقولون وبعده التهاب شديد بالصدر لدرجة اختنق وبعده اغماءات مالها سبب .و..و..و..
المشكلة ان زوجي كل يوم ماخذني ع هالمستشفيات ولا عمره تذمر والله بالعكس يزعل لو عرف اني مريضة وخبيت عنه بس انا صرت استحي واحاول ابين اني مو تعبانة م صارت حالة كل يوم تعب جديد شي محرجمحرج لان سنوات على هالحالة والله صرت ماعاد اقول لاحد اني تعبانة لان بعض الناس يجو يكلموني ويسئلو عن اخباري واقلهم تعبانة شوي يجو بعد كم يوم ودهم يطمنو علي اتفشل اقلهم اووه تراني طبت والحين عندي مشكلة ثانية 😂 فعلا شر البلية م يضحك والله الحمدالله راضية بوضعي وان شاالله تخفيف ذنوب بس المشكلة زاد وكل ماجاله يزيد اكثر
اما زوجي فشي اكيد باقصر احيانا بواجباته لان المرض لمايزيد بصير طريحة بفراشي احيانا.. مو دايم لاني صبورة وتعودت عالمرض وصرت امارس حياتي طبيعي مع التعب الا اذا زاااد مرة
ولما يسئلني عن الغرض الفلاني كنت اقله مريضة ويقول خلاص ارتاحي لاتسوي شي رغم انه عندي شغالة بس فيه امور لازم انا اسويها بنفسي فبطللت اقله مريضة وصرت اذا سئلني اقله اووه نسيت وزي كذا لاني استحي كل يوم بمرض ولاهو مرض واحد عشان اقله انا عندي المرض الفلاني ويصير عارف وضعي بدون مااقعد كل يوم طايرة عالمستشفى وتحاليل ويترك اعماله عشاني وكل يوم شي جديد الحين صرت اطنش المرض لين ماايشتد واوصل لدرجة مااقدر اتحمل واروح المستشفى بس هو كمان يلاحظ بعض الاحيان اذا م علمته ويزعل ليش مااتكلم واقله
احس كني عجوز مو بنت العشرين 💔
الحمدالله على كل حال
حتى اهلي يقول انتي كل يوم مريضة وش سالفتك ؟
ابي اي وحدة جتها نفس الحالة واستمرت ع برنامج معين تفيدني الله يسعدها دنيا وآخرة او اي نصيحة يمكن تنفعني بليييز تقولها والله يحفظها من كل سوء
واللي ماتعرف تدعيلي من قلب يمكن فيكم مجابة الدعوة الله يسعدكم