منحرجة من سالفة ليلة العرس والقاعة؟!

السلام عليكم

كيفكم يا أحلى حوائياات

قولولي وبكل صراحة ولا تخلو بخاطركم شي!!

وحدة مطلقة وعندها ثلاث اطفال
بعد العدة مباشرة تقدملها مطلق ما عنده اطفال
مكانة ووسامة وحالة اجتماعية ممتازة

والاخت واافقت واملكوا..

هي وطليقها مرة متفاهمين وبياخذ عياله وما عنده اي مانع يزورون امهم..

ووين المشكلة؟؟

المشكلة يا طويلات العمر .. خطيبها يبغى يسوي ليلة عرس فقاعة ومعازيم وزفة .. وهي مرة منحرجة من نظرة الناس خلاص هي انزفت وام لثلاثة

<< لا تقولون ما تهم نظرة الناس والله الوحدة تحس بحياا وخجل

لا تاكلوني بقشوري قولولي بكل ذمة اذا انتي بعرس والعروس متزوجة من قبل وانزفت بزفة ومعازيم وليلة من الف ليلة وليلة ايش نظرتك ؟ ولا الموضوع عادي وهي مكبرته..

استحت تفاتح خطيبها بهالنقطة عشان لا يحسها منتقصة من نفسها وبنفس الوقت شايلة هم..

للعلم تو عمرها 24 ماهي كبيرة

تراها تقرأ ردودكم وبتاخذ برايكم

المايك لككم ♡♥