يااااحظك ياليت اخوي يسكن معي والله لا شيله بعيوني ورمشي له غطا ابك مافيه مثل الاخ وبعدين وش بيضايقك المسكين فيه اصلا الشباب مايقعدون كثير باللبيت ولوقعد اغلب الوقت بالمجلس ترى يستحون ولاعندهم تلقف زي الحريم ومايدققون وفحالهم وعالنيه واصلا شلون ترضين اخوك يستاجر غرفه تقال هندي وماغير عالمطاعم ماتفكرين فيه شلون بيعيش ومن يهتم فيه ويراااعيه الله يصلح الحال
يااااحظك ياليت اخوي يسكن معي والله لا شيله بعيوني ورمشي له غطا ابك مافيه مثل الاخ وبعدين وش...
لازم تاخذين رأيه بالموضوع بغض النظر عن أسبابك من ناحية اللبس و الحركات
هناك أمور أهم لاتنسين أنه ممكن بتكون فيه خلافات ألي دائم تحصل في كل بيت
بشكل شبه يومي و بيصير الأنسان ماله خلق شي و ممكن يتفشش بالضيف ألي عنده
أو تطلع كلمه مالها داعي تسبب حزازيات كبيره يعني الأحتكاك و القرب الزايد شي
طبيعي بيولد خلافات
مثلا أذكر موضوع لعضوه كان أخوها ساكن عندها و في يوم حصلت مشكله بينها و بين زوجها
و تلقف الأخو بينهم و سمعه الزوج كلام مو طيب بلحظة غضب و كبرت بينهم و صلت للقطاعه
و كبرالموضوع بين الزوجين بعد !! لذلك لازم تنتبهين للأمور هذي
أخوي على عيني وراسي ماقلنا شي بس مانضمن السلوك ولا نضمن أنه الأمور بتمشي تمام
و على مايرام لذلك أنا ما أفضل سكن أي شخص مع الزوجين ألا في حالة الضروره القصوى
سواء من أهلك أو أهله
ممكن في هالحاله تقولين له والله يا أخوي نفسي تجينا و تقعد معنا بس خايفه تتضايق
و ماتاخذ راحتك لصغر البيت و لوجود أطفال وماتركز بدراستك وش رايك ؟
قولي أذا بتسكن بسكن خاص أكلك بيكون معنا و ملابسك تجيبها لي و أجهزها لك والراي لك
وشوفي وش يقول
الموضوع يا أخوات مو قل مروه وقل سنع و عدم أهتمام بالأخ
ولا يغنني بقلل من قيمته أذا مارغبت بأقامته عندي
لكن تجنب لبعض المشاكل ألي ممكن تصير
مثل أذا الزوج رحب بأخوه أو أخته شي طبيعي مع الوقت بتكون فيه خلافات ومشاحنات مع الزوجه
و بتتوتر العلاقه بين الطرفين لو الفتره قصيره ممكن نتحمل لكن وقت طويل صعبه خلونا واقعيين