اليوم جايبة لكم مندي للزنقاات واذا ابو الشباب مشتهي رز ومالك خلق طبخ وتكشن وحاااله
فماااالك الا هالمندي
أول شي
نقطع البصل والفليفله والطماطم مكعبات متوسطه ونقطع ثوم ونحطهم في القدر
بعد مانكون غسلنا الرزونقعناه نصفيه من مويته ونكبه فوق الخضار
ونصب فوقه الماي بحيث يكون مرتفع عن الرز مقدار سم تقريبا او سم ونص
ونحط بهارات مشكله والملح وشوية زيت او زبده اطعم وقرون فلفل اذا حبيتوا
نغلف القدر بطبقتين قصدر ونخرم القصدير بهالطريقه
بعدها نتبل الدجاج بالبهارات والملح ونحطه فوق القصدير
بعد ماحطيناه نغطيه بقصدير وندخله الفرن ونخليه لمدة ساعه تقريبا
بعد الساعه نشيل القصدير عن الدجاج بس ونرجع القدر في الفرن عشان يتحمر الدجاج
وهذا شكل الدجاج بعد ماتحمر
شكل الرز في القدر بعد مااستوى
وهنا الشكل النهاااائي
