اليوم سويت عشاء مندي بالفرن والله يابنات تحفه والله لو جربتوه ما راح تعتمدوا الا هاذي الطريقه انا عن نفسي زوجي مايبغى الا الطريقه هاذي على قوله الطريقه العاديه ما صار لها طعم >>>كثرت هرج انا عارفه اخليكم مع الطريقه
اول شي غسلي الرز ونقعيه في مويه حاره وملح لمدة ساعه
اغلي مويه على النار او في الغلايه اللي تكفي الرز وحطي عليها البهارات فلفل اسود وكمون وكزبره مطحونه ومكعب ماجي وشوية زيت لا تكثري
بعدين اغسلي الرز وحطيه في القالب وحطي عليه بصل وفلفل رومي وهيل وقرفه
غلفي القالب بطبقتين قصدير وخرقيه باسكين وحط عليه الدجاجه وتكوني متبلتها بشويه زيت والصبغه وبهارات وملح وثوم انا احط شويه صويا
وغلفيه بطبقه واحده من القصدير ودخليه الفرن ويكون مولع من فوق و تحت وتخليه ساعه او لين تتاكدي من نضوجه
ولا تنسي ترفعي القصدير اخر عشردقايق عشان يتحمر الدجاج وتكوني مجهزه الفحم اذا خلص حطي الدجاج على الرز وحطي الفحم وشوية زيت عليه واكتميه
وهاذا شكله النهائي
ياللا يابنات ابغى اشوف الردود الحلوه
تسلم يميـــــــنكـــــ