السلام عليكم يابنات
شفتو شلون صايرة نشيطة هالاسبوع بس اطبخ واصور وزوجي الله يخليه ينزلي الصور بالكمبيوتر
مالكم بكثر الكلام سويت اليوم مندي بالفرن نبدا الشغل
المقادير
الارز والدجاج حسب الكمية الي متعودة عليها
نحتاج بعد ماء وماجي وبهار وزبيب وبصلة
قصدير وصينية فرن تتسع للارز
الطريييييقة
نتبل الدجاج بالبهارات الي نحبها ونسوي فيه شقوق او ننغزه بالشوكة عشان ينضج تمام
نحمس البصل ولما يشقر لونه نحط الزبيب ونحمسهم دقيقتين مع البهار
نجيب قدر نحط فيه الحمسة السابقة ونضيفله ماء يكفي للارز ونحط معه مكعبين ماجي ونخليه يغلي
بعدين نحط الارز (المنقوع نص ساعة)في صينية الفرن ونصب عليه الماء اللي غليناه
بحيث تكون حبات الرز مخايله يعني يغطيها عالحد
ونغطي الارز بالقصدير ونحكم اغلاقه ونسوي شقوق بالسكين او الشوكة ونحط الدجاج المتبل فوق شقوق القصدير
ونغطي الدجاج بالقصدير ونسوي فيه شقوق ايضآ(اي القصدير)ونشغل الفرن عليه ساعه وربع
بعدين نكشف عن الدجاج فقط(والعيش للحينه مغطى)ونخلي الفرن مشتغل من فوق لين يتحمر الدجاج
الحين نصب الارز بالصينيه ونحط فوقه الدجاج ونجيب فنجان فيه زيت نحطه وسط العيش
ونغطي الصينية بقصدير لاننا بنحط فحمه مولعة داخل الزيت ونبي العيش يمسك الدخن والطعم(اكيد فهمتو علي ولا
لاء انا مااعرف اشرح عدل بس الطريقة مذكورة كثير في المنتديات)والحين صحتين وعاااافيه
وهذي عن قرب
والتطبيق قريب ان شاء الله