ماشاء الله ....... تبارك الله
جايبه لكم مندي سهل ولذيذ ولايحتاج تدخنيه
لازيت ولاجمر ولاحجر
الله يسلمكم من كم يوم كان عندنا معرض وهذي المعرض يسونه كل سنه مرة
( معرض الخريف ) خبركم احنا يالنسوان نموت بهالسوالف رحت كالعادة
نتطقس الجديد شفت قدر للمندي ماقدرت اشيل عيوني من عليه
ماكثرت خبر وقاصصت البايع الى ماخذته تدرون بكم باعني اياه
بعشرة دنانير بس والله بلاش
عاد أنا قلت لازم اجرب فيه المندي ونشوف أشلون يطلع
تعالووووووووا معاي نشوف المقادير والطريقة بالصووووووووور
نجيب الطبقة التحتيه من القدر ونحط ماي حار وكم حبة قرنفل
وهيل وأعواد دارسين كلهم صحيحه وشوية ملح وورق غار
الدجاج يتبهر بكمون وكزبرة ناشفه وكركم وملح وشوية من بهار الكاري
وتحطين بجنبها بصلتين متوسطه الحجم وقطعتين جزر وفليفلة باردة
تحطينهم على شبك القدر وتقطينه لمدة ساعة بالظبط
تفتحين الغطاء راح تشوفين الدجاج نضج ويذوب في الفم والخضروات أستوت مرررررررة
شيلي شبك الدجاج راح تحصلين على المرقة بهذي الشكل
شيلي البهارات الصحيحة من المرق
كبي الرز ( مزة ) مغسول ومنقوع ومصفى من الماي
يتبع
تركية على النار لغاية مايشرب المرق
رجعي شبك الدجاج على الرز
وغطيه راح يحمر من البخار
أغرفي الرز وزينيه على كيفك
صدقوني طعمه خيال أحلى من اللي يسونه بالمطاعم
ولاريحة جمر ولادخان
بالعافية
والله الله في الردود السنعة والذربة