هذا اول موضوع لي في قسم الطبخ
وجايبه لكم اكله اكيد الكل يحبها
المندي على طريقة منال العالم
بلا طول سيره ...
المقادير ..
3كاسات رز
زيت
بصله كبيره مفرومه ناعم
1عود قرفه
8 حبات هيل
8 حبات قرنفل
ورق غار
ملح
حبه كبيره طماطم مفرومه ناعم
فلفل اخضر حار
ماء او مرق ساخن
خليط الدجاج
دجاجه ..انا استخدمت نص
نص ملعقه لكل من ((هيل .بهارات مشكله .ملح
فلفل اسود .قرفه .كركم .ليمون اسود .كزبره ناشفه .))طبعا كل البهارات مطحونه
2 ملاعق زيت ..4 ملاعق عصير ليمون
الطريقه ..
كشني البصل مع الزيت
بعد يحمر حطي البهارات الصحيحه واطفي النار
حطي على البصل الرز المغسول والطماطم والملح والفلفل الحار ..انا ما عندي وماحطيت .. وقلبيهم مع بعض
صبي عليهم الماء الساخن او المرق
كميه بس تغطي الرز ..لا تزودين الماء عشان ما يطلع الرز معجن
غطي القدر بقصدير ..وخرمي القصدير
يتبععععع ..
والزيت وعصير الليمون ..ماكان عندي ليمون فما حطيت
نخلط الزيت والليمون مع البهارات وندهن فيه الدجاجه
نحط الدجاجه فوق القصدير المخرم
نغطيها بقصدير تاني ونضغط عليه مع الاطراف عشان ما يطلع البخار
ندخله في فرن حاااار مده 45دقيقه
وبعد نخرجه نحط جمره في زيت ونكتمه شوي ياخذ طعمها
لو حبيتي تحمري الدجاجه افتحي النار من فوق
انا ماسويت هذي الخطوه
بس خلاص ..استمتعي بالذ مندي في الفرن
والريحه وااااو تدوخ
ماني مصدقه اني خلصت
الله يكون في عونكم ياللي تنزلون مواضيع
يالله عاد الله الله بالردود اللي تشرح الخاطر
والدعاوي الحلوه :)