ماشاء الله تبارك الله
اللهم اجعله منزلاً مباركاً
أختي أم السعف والليف بيتك ذوق راقي جداً ربي يهنيك به
عاجبتني المغاسل مرة
وحابة أسأل عن حديد الدربزين وين شاغلينه فيه(اسم المحل لوسمحتي )
:26: :26: :26:

جعله الله منزل عامر بذكره وشكره وحسن عبادته.الله يعطيكم خيره ويمنع عنكم شره

ماشاء الله تبارك الله

ما شاء الله تبارك الرحمن منزل عامر ان شاء الله بأهله وببركة الرحن .. ويحميكم من عين الحسود ..

بالنسبة للبيت مبين عليه توه جديد وشويه فاضي بس الله يعينك على تأثيثه يبغيله واااايد اشياء ..

النافذه انا اشوف تكمليها زجاج معشق وفي نوعيه تكون سميكه ما تكشف ؟؟ سألي المحلات عنها ؟
لان حرام هالزخرفه الحلوة تروح ورا الستارة الا اذا بتحطي بس شيفون ؟

تحت الدرج احسه بعد فاضي ويبغي له اكثر زرع وتنوعي في اشكاله واحجامه .
وتغيري طبعا الاصيص وتخليه على استاند من حديد مثلا
وحاولي تغيري اشويه تحطي نافورة وسطهم؟

السجادة اللي في الدرج احسها صغيرة على الجدار لو تخليها اكبر وتحطي على الجوانب اضاءة بيكون احلى

اما التلفزيون احس المكتبه وهو صغر على المساحه وضايعين فيها .. لو تغييرينه في المستقبل القريب ان شاء الله لتلفزيون كبير حجمه ووياه مكتبته يعني مثل المسرح المنزلي ماادري اذا جذيه اسمه ؟؟

المدخل بعد فاضي يبغيله اشويه اثاث ..

احلى ركن عجبني ركن الاطفال بس ليش ما خليتيه بمكان مقفل عن الحوسه والعفسه ؟؟

الله يهنيك صراحه البيت حلو واااااايد .؟.