http://forum.hawaaworld.com/showthread.php?t=1304742
بسم الله الرحمن الرحيم
حبيباتي واخواتي الغاليات
حبيت انقللكم هالوصفه الروعه للمنسف
طعم رووووووعه , نظافه وترتيب
اليكم المقادير والطريقه
لحمه ضان
ارز تايجر او سنوايت لبن روب زيت ذره او سمن بلدي جميد بلدي او الكسيح او مكعبات
او بدون جميد( لو كان الروب حامض)
انا ماحطيت جمييد ابدا إلا مكعبات
مع انه المنسف عنا بالجنوب لازم يطبخوه بالجميد
بس بالنهايه كل الطرق بتزبط
وانا عندي اللبن حامض يعني مو بحاجة جميد
ملح بصله صغيره فلفل اسود هيل مطحون رشة كركم صغيره بيض للبن لوز صنوبر
2 كاس فريكه خشنه
وخبز رقاق او شراك او اي نوع
ماجي ورق غار
الى العمل
اولا نبدا باللحمه نغسلها جيدا من اي شوائب
نضعها في طنجره مناسبه ونغليها على النار غلوتين فقط او حتى تظهر الزفره
وبعد هيك نتخلص من الماء ونغسل اللحمه جيدا وبتكون بهذا الشكل
نغسل الطنجره مره اخرى ونقطع البصله ونشوحها على النار
بالسمن البلدي او قليل من زيت الذره لحتى تشقر
وبنضيف عليها اللحمه ونبدا بالتقليب
وطبعا هادي نصيحه لكل الاخوات انكم دائما تطبخو اللحمه او الدجاج بهادي الطريقه لكي تحصلن على
طعام نضيف وخالي من الزفره لانو هيك اضمن وبتتاكدي انو مافي زفره عالقه باللحمه
نرجع لطبختنا
بعد ما قلبنا اللحم نضيف له البهارات اللي ذكرتها سابقا مع ورق الغاروكميه منا سبه
من الماء وهاد المرق شوفو شو بيكون نضيف وخالي من الشوائب
وبنخليه على النا لحتى يقارب على الاستواء
وبهادي الاثناء بنضيف البيض للروب وبنخفقه جيدا بواسطة المولينكس
او مضرب السلك ونضيف مكعبات الجميد والماجي
ونبقى نحرك فيه على نار قويه لحتى يغلى وما تتركو التحريك الا لما يغلي اللبن
لأنو بيفرط معكم وما بعود ينفع
وبنفس الوقت نعمل الارز المفلفل ونطبخه بواسطة ماء اللحمه او ماء الدجاج
واذا ما فيه اي نوع منهم عادي ما بيهم كلو بيطلع طيب بس بمرقة الدجاج
بيطلع اطيب
هلا الفريكه نذوب ملعقتين سمن بلدي ونضيف الفريكه عليهم ونقلب جيدا
متل طريقة الارز لكن الفريكه بدها زيادة ماء
نضيف الما والماجي ونوطي النار ونخليها لحتى تستوي وتتفلفل
يعني ما تكون مخبصه
وبالنسبه للفريكه هي مش ضروريه بس اغلب الناس بتحب تحطها وانا بحب طعمها
هلا نرجع للحمه ونشوف شو صار معها لما نشعر انها قربت تستوي نضيف ليها اللبن
المغلي ونخليهم يغلو مع بعض لحتى اللبن ياخد طعم اللحمه
ويغلظ قوامه
او مباشرة بنحط اللحم في اللبن (يعني قبل ما يستوي اللحم)
يعني على الجهتين بيزبط
لأنه لما بنسلق اللحمه نحنا مناخد المرق وبنحطه ع اللبن وبنحط اللحمه معهم
و لما بنحط اللحم مع اللبن مباشرة بدون سواء اللحمه كمان بيزبط
بس بالطريقه الاولى بتتأكدي انك نظفتي اللحمه منيح ومافيها شوائب
يتبع
ناتي بصينيه مستديره عنا بالاردن نسميه سدر وهوه للمنسف مخصوص
نضع فيه الخبز ونسقيه باللبن
وهادي الخطوه بتقدرو تلغوها لانها حسب الرغبه
نضع الارز فوقه بشكل هرمي ومرتب
بعدين ارش طبقه من الفريكه المفلفله فوق الارز
كمان هادي الخطوه حسب الرغبه(الفريكه)
وبعدين بطلع اللحمه من اللبن وبرتبها فوق الارز والفريكه
وما ننسى رأس الضأن يللي حطيته بقمة المنسف
صورته مش واضحه كتير
اسقي http//www.*****.com/forum/t39620.html"]المنسف باللبن الخفيف المصفى يعني مو كتير
واخر شئ بضيف اللوز المشقر فوقه
وهاد شكله النهائي
يقدم مع البصل الاخضر والفلفل والمخلل والفجل
وكلو حسب الرغبه والذوق
طبعا انا نسيت اني اشرح عن راس الضان اذا كان متوفر
نحضره من عند اللحام مسلوخ جاهز وننضفه جيدا بالخل والليمون ونغليه زي طريقة اللحمه بالزبط
بعدين نضيفله التوابل والبصله المقطعه ونسلقه جيدا لحتى يستوي
وبعد ما يستوي نكب ماء السلق كلو ونضيفله قليل من اللبن المطبوخ لحتى يتجانس
معو ونضعه بقمة المنسف
زي الصوره الاخيره
وهاد عند الاردنيين بيعني تكريم الضيف بشكل كبير
وصحتين وعافيه
واللي عندها اي سؤال انا جاهزه
منقول لعيونكم