منشط المبايض(من فيكم حالتها مثل حالتى)

loyality1 :

السلام عليكم ورحمه الله وبركاته اختى ندى انا حاسه ان حالتى قريبه كتير من حالتك بس انا مش فاهمه معنى البطانه المهاجره انا كمان كان عندى كيس دموى على المبيض الشمال واكتشفته صدفه بعد 9 شهور من زواجى وعملت سونار مهبلى علشان اعرف حجمه بالظبط لاقيته 8.5 سم وده طبعا حجم كبير وكمان فى واحد تانى على اليمين بس صغير 2 سم واستشارت 3 اطباء الكل اجمع انه من الضرورى اعمل عمليه جراحيه فتح زى القيصرى بالظبط لانه حجمه صعب انه ينشال بالمنظار فاستخرت الله وتوكلت عليه وعملت العمليه بس الحمد لله كانت المفاجأه بعد العمليه لاقيت الدكتور بيقولى انتى للاسف كان عندك كيس دموى وده يعتبر من اسوأ انواع الاكياس لانه اولا بيرجع تانى ويملا الله يحفظنا ويشبفينا وثانيا لانه بيسبب ضرر للمنطقه اللى كان موجود فيها لانه فعلا لاقى عندى التصاقات شديده فى الجنب الشمال وايضا فى اليمين بس مش صعبه اوى زى الشمال وقالى الامل فى الجنب اليمين بس الشمال متضرر اوى وكتبلى على منشط 3 شهور مش فاكره اسمه لانى لم اخذه وحاقولك ليه دلوقتى ناس اصحابى قالولى انهم سمعوا ان المنشطات بتسبب فى تكون اكياس للناس العاديه ما بالك انا اللى عندى استعداد ان الكيس يملا تانى فى اى لحظه علشان كده خفت وقلت حاروح لدكتور تانى يقولى اعمل ايه المهم رحت لدكتور كبير ومشهور مع ان اللى عمل ليا العمليه برضه دكتور كل الناس بتشكر فيه تخيلى الدكتور التانى قالى ايه قالى حاله الاكياس الدمويه اولا المفروض نزيل الكيس وده انتى عملتيه ثانيا تمشى كورس منع حمل لمده 6 شهور وبعدها اعملك تحليل دم وسونار مهبلى وحسب النتيجه وقتها نفكر معاكى فى موضوع الحمل يعنى دكتور قالى منشط والتانى قالى مانع المهم انااستخرت الله وقررت انى مش حاخد لاده ولاده وحاسيبها لله بس الحمد لله لم يحدث حمل لمده 6 شهور بس كنت بتابع واعمل سونار مهبلى كل 3 شهور علشان كنت خايفه الكيس يرجع تانى وبعد 6 شهور لما محصلش حمل عملت اشعه صبغه والحمد لله طلعت سليمه والنابيب لا يوجد بها انسداد والدكتور قالى انتظرى كمان 6 شهور بدون اى علاج ولو محصلش حمل خدى منشط لمده 3 شهور وكتبلى كلوميد وفعلا مروا 6 شهور وايضا لم يحدث حمل والحمد لله بس انا سألت الدكتور ان المنشط ممكن يرجع الاكياس فقالى خديها لفتره قصيره 3 شهور بس ومش حتلحق تعمل حاجه انا دلوقتى فى الشهر التالت والاخير من المنشط وادعيلى انى اكون حامل وان المنشطات متكنش رجعت الكيس تانى انا ناويه لو ربنا مارزقنيش اعمل اولا سونار مهبلى علشان اتأكد من اخبار الكيس ثانيا الجأ للحقن المجهرى لانى دلوقتى بقالى سنتين وشهر زواج بس ده طبعا فى الاستمرار فى الاستغفار واللجوء الى الله والدعاء لانه الرزاق والقادر على كل شىء ارجو انى مكنش طولت عليكى وتكونى استفدتى اى معلومه من حكايتى والله يرزقنى ويرزقك اختى ندى الايام ويرزق كل بنات المنتدى وكل محرومه من بنات المسلمين

السلام عليكم ورحمه الله وبركاته اختى ندى انا حاسه ان حالتى قريبه كتير من حالتك بس انا مش فاهمه...