نفس مشكلتك

سبحان الله ~

1-اخلطي فازلين مع نشا (حق الاكل) واخلطيه زين بباديه لحاله وحطيه بعلبه طبعا النشا كثري
2- اخلطي 1افالون (انا استخدم البرتقالي) مع 1 الدوكين فورت ونصف كريم اليكا-ام هذا مضاد للحساسيه اخلطيه معهم
وحطيه بعلبه لحاله . قبل لاتنامين حطي من الخلطه الثانيه وادهني لما يدخل الجسم بعدها اذا صحيتي
اغسليه بأي بصابون والأفضل صابونة بابايا وجففي المنطقه ونظفيها باسكنول
بعدها حطي من الخلطه الاولى اللي سويتيها فازلين ونشا وادهني المنطقه
وخليه راح تلاحظين المنطقه تتقشر عندس ويفتح والخلطه الثانيه راح تساعدس اكثر واذا جا وقت نومس اغسليها بصابون واذا شفتي قشور وخريها بعدها اسكينول وبعدها حطي الخلطه الثانيه وهكذا
أنا مجربه هالخلطات من نفسي ولا في اضرار وفادتني كثير قبل كانت المنطقه عندي ظلام تضيق الصدر واللحين تغيرت كثير فتحت عندي 90% وربي نعمه وبرضوا استخدمتها للركبه وتفاجئت ركبتي فتحت كثير لكن يبيلها وقت اطول لان الركبه جلدها سميك لكن الحين فتحت بنسبه 70% وللحين استخدمها ابيها تكون مثل لون بشرتي
ونصيحه لاتستخدمين اي مقشرات من الصيدليه انا الصراحه ماعجبتني لانها تقلب الجلد اسود بدال ماتفتحه
وان شا الله خلال استخدامس هالشهرين تفتح وتفيدس لان منطقة الفخذ يبيلها وقت وخاصه اذا كان السواد قديم بس تفائلي يااختي هالشهرين ان شاء الله بينفعس كثير كثير وانتي اصبري يااختي مو تستخدمينها اسبوع وتقولين مافاد شي . انا عن نفسي كنت دايم اشتكي ابي حل لهاسواد المنطقه الحساسه والفخوذ والركب وكنت اكتب هنيا مواضيع اشتكي من السواد ابي حل لكن الحمد لله بحثت ولقيت الحل وكنت مره متفائله انه بيفتح ةهالخلطه بتفيد وصدق الحين انا مرتاحه
وإذا انتي خايفه ان المنطقه تحرقس او تتصلخ لاتخافين عندس الفازلين مع النشا بيهجدها وبرضوا الخلطه معها كريم اليكا-ام حلو مره للحساسيه والحكه والتصلخات يعني لاتخافين وأنا عن نفسي ماالتهبت رغم ان بشرتي حساسه لكن وربي ماحسيت بحراره او تصلخات ومن ناحية الترطيب لاتستخدمين اي مرطب خلاص الفازلين المخلوط بالنشا يكفي ويوفي
ولاتنسين فوايد النشا وخاصه انه له فوايد كثيره للتفتيح وبرضوا للأحمرار والحساسيه واهم شي صيري واثقه من نفستس واصبري اهم شي يبيلها صبر الخلطه عشان تلقين نتيجه