منطق وتفكير غريب

بدخل في الموضوع دووغرري


بسرد لكم مشكلة قريبه لي
استخدمت كل الطرق مع زوجها عشان يخفف شوي من تضييقه عليها لكن مايننفع
جاته بالعقل والحوار ولا نفع
وحاولت معه بالدلع والاغراء لكن لافائده
حطت راسها براسه وتحدته وكمان مافي فايده


بالعربي راسه يااااابس ومتسلللط بشكل عجيييب
على الرغم انه انسان متعلم ومعه شهادات عليا


من يوم ماتزوجته ماتهنت بشي
الشي اللي ودها فيه مايجبيبه الا بطلووع الروح
لمن تكرهه
يمكن يمر اشهر وهي تطلبه
هوو صحيح ماديته ضعيفه وحاله تعبان
لكن لمن تجيها فلوس مايخليها تشتري اللي محتاجته
مخيرها بين خيارين ياانها تصبرر عليه لممن يسدد ماعليه من ديون والله يفرجها عليه
ولا تسلفه المبلغ اللي هو معها ويشتري هووو به ويحدد وش محتاجين
يعني هوو اللي يقرر وش هي محتاجه
واللي هي تشوف انه محتاجته يصير مو ضروري ويمكن يتأجل


سنيين وهي وياه في جدال وعراك
ماهي قادره ترفع ظلمه عنها وعن اولادها


ولا شافت اي تحسن في ظروفه
بل بالعكس شغله مافيه بركه


صار اهلها يجيبون لها اللي محتاجنه هي وعيالها بالدس
ولو يعرف يقووم عليها الدنيا
بحجة انه رجل مايرضى احد يصرف على اهل بيته


ولمن زهقت خلاص صممت انها تشتغل
وفعلا اشتغلت وصار عندها دخل كويس ماشاء الله


والحين فلوسها خلاها وباء عليها
حارمها تشتري بهم شي بحجه انه رجل وماتصرف على بيته حرمه
طيب مافكر فيها وهوو مقصررر عليها
وهي واولادهم ملابسهم حالتها حاله
والبيت اردى


ومن القهرررر والغبن وافقت انها تخلي صرافتها معه يجيب لهم اللي هوو يشوفه مناسب
كسروا ظهرها اولادها
شي احسن من لا شي


ومشت على هالحال فترره من الزمن.
لكن تمادى صار يصرف فلوسها من غير مايشاورها يروح يسلف فلان وعلان وعلى كيفه يتصرف


قهرررررر تعبها ماتستمتع فيه الا بطلوع الروح
وبعد يسلف خلق الله منه.
يعني مجمدهاااا على الاخر


وبالاخير اخذت صرافتها ورجعت للحرمان مره ثانيه
فلوس بالحساب مجمده
وهي محتاجه
والحين تقول كررررهته على الاخر
وجمدته هووو ولا عاد تسأل عنه
وضيع على نفسه كل الدلع والاهتمام اللي كانت مغرفته فيه


وآخرر شي توصلت له انها عملت اضراااب واحتجاااج
تاكل في شغلها ولاعاد تاكل من يده شي
وقالتها له بالوجه اصرف على عيالك بس
انها ماتبغى منه لا اكل ولا شرب ولالبس
وانها مو محتاجته في شي
وليييش تقوله هالكلام مطنقرررر عليها


يمكن تشوفون حل بالقصه وهي ماانتبهت له
الله يفرجها عليها